ആട്ടിറച്ചി മസാലകൾ ചേർത്ത് കുറഞ്ഞ തീയിൽ മണിക്കൂറുകളോളം വേവിച്ചെടുക്കുന്ന ഒരു പരമ്പരാഗത മുഗളായ് വിഭവമാണ് നിഹാരി ഗോഷ്ട്. ഇതിലെ ചാറ് വളരെ കട്ടിയുള്ളതും സുഗന്ധവ്യഞ്ജനങ്ങളാൽ സമ്പന്നവുമായിരിക്കും.
ആവശ്യമായ ചേരുവകൾ
1. എണ്ണ – പാകത്തിന്
2. ഏലയ്ക്ക, ഗ്രാമ്പൂ, കറുവാപ്പട്ട – രണ്ടു വീതം
3. സവാള – ഒന്ന്, പൊടിയായി അരിഞ്ഞത്
പച്ചമുളക് – ഒന്ന്, അരിഞ്ഞത്
4. ഇഞ്ചി – വെളുത്തുള്ളി
പേസ്റ്റ് – അര ചെറിയ സ്പൂൺ
ടുമാറ്റോ പ്യൂരി – അര ചെറിയ സ്പൂൺ
5. കശുവണ്ടിപ്പരിപ്പ് അരച്ചത് – ഒരു ചെറിയ സ്പൂൺ
6. കശ്മീരി മുളകുപൊടി – ഒരു ചെറിയ സ്പൂൺ
മുളകുപൊടി – കാൽ ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
7. കട്ടത്തൈര് – ഒരു ചെറിയ സ്പൂൺ
8. മട്ടൺ എല്ലോടുകൂടി – 200 ഗ്രാം,
9. ഉപ്പ് – പാകത്തിന്
10. ജാതിക്ക പൊടിച്ചത് – കാൽ ചെറിയ സ്പൂൺ
മല്ലിയില അരിഞ്ഞത് – ഒരു ചെറിയ സ്പൂൺ
11. ഇഞ്ചി അരിഞ്ഞത് – അലങ്കരിക്കാൻ
പാകം ചെയ്യുന്ന വിധം
∙ എണ്ണ ചൂടാക്കി ഗരംമസാല മൂപ്പിച്ച ശേഷം സവാളയും പച്ചമുളകും വഴറ്റുക.
∙ വാടി വരുമ്പോൾ നാലാമത്തെ ചേരുവ ചേർത്തു രണ്ടു മിനിറ്റ് വഴറ്റണം.
. കശുവണ്ടിപ്പരിപ്പ് അരച്ചതും ചേർത്തു വഴറ്റിയ ശേഷം ആറാമത്തെ ചേരുവ ചേർത്തു വഴറ്റുക.
∙ മസാല മൂത്ത മണം വരുമ്പോൾ തൈരും ചേർത്തിളക്കണം.
. ഇതിലേക്കു മട്ടണും ഉപ്പും ചേർത്തിളക്കി അരമണിക്കൂർ വേവിക്കുക.
∙ മട്ടൺ വെന്ത ശേഷം പത്താമത്തെ ചേരുവ ചേർത്തു നന്നായി ഇളക്കി യോജിപ്പിക്കുക.
∙ അടുപ്പിൽ നിന്നു വാങ്ങി 11 ആമത്തെ ചേരുവകൊണ്ട് അലങ്കരിച്ചു വിളമ്പാം.