ആവോലി തേങ്ങാപ്പാൽ കറി
1.ആവോലി – അരക്കിലോ
2.വെളിച്ചെണ്ണ – രണ്ടു വലിയ സ്പൂൺ
3.കടുക് – അര ചെറിയ സ്പൂൺ
ഉലുവ – അര ചെറിയ സ്പൂൺ
4.ചുവന്നുള്ളി – അരക്കപ്പ്, ചതച്ചത്
ഇഞ്ചി – ഒരു ചെറിയ സ്പൂൺ, കനം കുറച്ച് അരിഞ്ഞത്
കറിവേപ്പില – ഒരു തമ്ട്
ഉപ്പ് – പാകത്തിന്
5.മല്ലിപ്പൊടി – രണ്ടു ചെറിയ സ്പൂൺ
മുളകുപൊടി – നാലു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
6.വാളൻപുളി – ഒരു നെല്ലിക്ക വലുപ്പത്തിൽ, കാൽ കപ്പു വെള്ളത്തിൽ കുതിർത്തത്
തേങ്ങ ചുരണ്ടിപ്പിഴിഞ്ഞെടുത്ത രണ്ടാം പാൽ – ഒരു കപ്പ്
വെള്ളം – പാകത്തിന്
7.തേങ്ങ ചുരണ്ടിപ്പിഴിഞ്ഞെടുത്ത ഒന്നാം പാൽ – മുക്കാൽ കപ്പ്
ഉലുവപൊടി – അര ചെറിയ സ്പൂൺ
കറിവേപ്പില – ഒരു തണ്ട്
പാകം ചെയ്യുന്ന വിധം
∙ആവോലി കഴുകി വൃത്തിയാക്കി കഷണങ്ങളാക്കി വയ്ക്കുക.
∙മൺചട്ടി ചൂടാക്കി വെളിച്ചെണ്ണ ഒഴിച്ചു മൂന്നാമത്തെ ചേരുവ വഴറ്റണം.
∙നാലാമത്തെ ചേരുവ വഴറ്റി ചുവന്നുള്ളി കണ്ണാടിപ്പരുവമാകുമ്പോൾ പൊടികൾ വഴറ്റണം.
∙പച്ചമണം മാറുമ്പോൾ ആറാമത്തെ ചേരുവ ചേർത്തിളക്കി തിളപ്പിക്കണം.
∙മീൻ കഷണങ്ങള്‍ ചേർത്തിളക്കി മൂടിവച്ചു തീ കുറച്ചു വച്ചു വേവിക്കുക.
∙എണ്ണ തെളിയുമ്പോൾ ഏഴാമത്തെ ചേരുവയും ചേർത്തിളക്കി വാങ്ങുക.
