ബീഫ് റോസ്‌റ്റ്
1.ബീഫ് – ഒന്നര കിലോ
2.ചുവന്നുള്ളി – ഒരു കപ്പ്
വെളുത്തുള്ളി – രണ്ടു വലിയ സ്പൂൺ
ഇഞ്ചി – ഒരു വലിയ സ്പൂൺ
പച്ചമുളക് – ആറ്
പെരുംജീരകം – രണ്ടു ചെറിയ സ്പൂൺ
3.വെളിച്ചെണ്ണ – നാലു വലിയ സ്പൂൺ
4.ഏലയ്ക്ക – രണ്ട്
ഗ്രാമ്പൂ – രണ്ട്
കറുവാപ്പട്ട – ഒരിഞ്ചു കഷണം
5.സവാള – മൂന്ന്
കറിവേപ്പില – രണ്ടു തണ്ട്
ഉപ്പ് – പാകത്തിന്
6.മഞ്ഞൾപ്പൊടി – അര ചെറിയ സ്പൂൺ
മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
മീറ്റ് മസാല – രണ്ടു വലിയ സ്പൂൺ
7.വെള്ളം – പാകത്തിന്
8.തക്കാളി – രണ്ട്, അരിഞ്ഞത്
ഗരംമസാലപൊടി – ഒരു ചെറിയ സ്പൂൺ
കുരുമുളകുപൊടി – രണ്ടു ചെറിയ സ്പൂൺ
9.വെളിച്ചെണ്ണ – രണ്ടു വലിയ സ്പൂൺ
10.തേങ്ങാക്കൊത്ത് – ഒരു കപ്പ്
കറിവേപ്പില – ഒരു തണ്ട്
വറ്റൽമുളക് – നാല്
പാകം ചെയ്യുന്ന വിധം
∙ബീഫ് കഴുകി വൃത്തിയാക്കി കഷണങ്ങളാക്കി വയ്ക്കണം.
∙രണ്ടാമത്തെ ചേരുവ ചതച്ചു വയ്ക്കണം.
∙ഉരുളിയിൽ വെളിച്ചെണ്ണ ചൂടാക്കി നാലാമത്തെ ചേരുവ മൂപ്പിക്കുക.
∙ഇതിലേക്കു ചതച്ചു വച്ചിരിക്കുന്ന മിശ്രിതവും അഞ്ചാമത്തെ ചേരുവയും ചേർത്തു വഴറ്റണം.
∙സവാള കണ്ണാടിപ്പരുവമാകുമ്പോൾ ആറാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ ബീഫും പാകത്തിനു വെള്ളവും ഒഴിച്ചിളക്കി മൂടി വച്ചു വേവിക്കുക.
∙മുക്കാൽ വേവാകുമ്പോൾ മൂടി തുറന്നു എട്ടാമത്തെ ചേരുവ ചേർത്തു വേവിക്കണം.
∙വെളിച്ചെണ്ണ ചൂടാക്കി 10–മത്തെ ചേരുവ ചേർത്തു വഴറ്റി കറിയിൽ ചേർത്തു വിളമ്പാം.
