ചിക്കൻ തേങ്ങാക്കറി
1.ചിക്കൻ – അരക്കിലോ
2.മഞ്ഞൾപ്പൊടി – ഒരു ചെറിയ സ്പൂൺ
മുളകുപൊടി – മൂന്നു വലിയ സ്പൂൺ
ഉപ്പ് – പാകത്തിന്
3.വെളിച്ചെണ്ണ – മൂന്നു വലിയ സ്പൂൺ
4.പഴുത്ത തക്കാളി ചെറുതായി അരിഞ്ഞത് – രണ്ട്
പച്ചമുളക് ചെറുതായി അരിഞ്ഞത് – അഞ്ച്
5.തേങ്ങ – അര മുറി
6.കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ചിക്കൻ ചെറുതായി മുറിച്ച് രണ്ടാമത്തെ ചേരുവ ചേർത്ത് അരമണിക്കൂർ വയ്ക്കുക.
∙ചീനച്ചട്ടി നന്നായി ചൂടാവുമ്പോൾ വെളിച്ചെണ്ണ ഒഴിച്ചു തക്കാളിയും പച്ചമുളകും വഴറ്റുക. ഇതിലേക്ക് ചിക്കൻ ചേർത്തു മൂപ്പിക്കുക. മൂത്തമണം വരുമ്പോൾ തീ കുറച്ച് അടച്ചുവയ്ക്കുക.
∙പതിനഞ്ചു മിനിറ്റു കഴിഞ്ഞാൽ മയത്തിൽ അരച്ച തേങ്ങയും കുറച്ചു വെള്ളവും ചേർത്തു തിളപ്പിക്കുക. കറിവേപ്പില ചേർത്തു വാങ്ങാം.
