ചിക്കൻ വരട്ട്
1.ചിക്കൻ – ഒരു കിലോ
2.കശ്മീരി മുളകുപൊടി – ഒന്നര വലിയ സ്പൂൺ
മല്ലിപ്പൊടി – മുക്കാൽ വലിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ചിക്കൻ മസാല – ഒരു വലിയ സ്പൂൺ
3.വെളിച്ചെണ്ണ – ഒരു വലിയ സ്പൂൺ
4.ഇഞ്ചി വെളുത്തുള്ളി പേസ്‌റ്റ് – ഒരു ചെറിയ സ്പൂൺ
കറിവേപ്പില – ഒരു തണ്ട്
സവാള – ഒന്നിന്റെ പകുതി, അരിഞ്ഞത്
ഉപ്പ് – പാകത്തിന്
5.വെളിച്ചെണ്ണ – രണ്ടു വലിയ സ്പൂൺ
6.പെരുംജീരകം – ഒരു ചെറിയ സ്പൂൺ
വറ്റൽമുളക് – മൂന്ന്
പച്ചമുളക് – മൂന്ന്
7.സവാള – മൂന്ന്, അരിഞ്ഞത്
8.ഇഞ്ചി വെളുത്തുള്ളി പേസ്‌റ്റ് – രണ്ടു ചെറിയ സ്പൂൺ
9.തക്കാളി – രണ്ട്, അരിഞ്ഞത്
ഉപ്പ് – പാകത്തിന്
11.ഗരംമസാല – ഒരു വലിയ സ്പൂൺ
വറ്റൽമുളക് ചതച്ചത് – ഒന്നര ചെറിയ സ്പൂൺ
പാകം ചെയ്യുന്ന വിധം
∙ചിക്കൻ കഴുകി വൃത്തിയാക്കി കഷണങ്ങളാക്കി വയ്ക്കുക.
∙രണ്ടാമത്തെ ചേരുവ യോജിപ്പിച്ച് വെളിച്ചെണ്ണയിൽ വഴറ്റണം.
∙പച്ചമണം മാറുമ്പോൾ വാങ്ങുക.
∙ഇതില്‍ നിന്നും പകുതി മസാലയെടുത്ത് ചിക്കനിൽ പുരട്ടി നാലാമത്തെ ചേരുവയും ചേർത്തു യോജിപ്പിച്ചു അരമണിക്കൂർ വയ്ക്കുക.
∙പാനിൽ വെളിച്ചെണ്ണ ചൂടാക്കി ആറാമത്തെ ചേരുവ വഴറ്റുക.
∙ഇതിലേക്കു സവാള ചേർത്തു വഴറ്റണം.
∙സവാള ബ്രൗൺ നിറമാകുമ്പോൾ ഇഞ്ചി വെളുത്തുള്ളി പേസ്‌റ്റ് ചേർത്തു വഴറ്റണം.
∙പച്ചമണം മാറുമ്പോൾ ബാക്കിയുള്ള മസാലയും ചേർത്തു വഴറ്റുക.
∙തക്കാളിയും പാകത്തിനുപ്പും ചേർത്തു വഴറ്റി അ‍ഞ്ചു മിനിറ്റു മൂടിവച്ചു വേവിക്കുക.
∙എണ്ണ തെളിയുമ്പോൾ ചിക്കനും ചേർത്തു വഴറ്റി മൂടി വച്ചു വേവിക്കുക.
∙ഇതിലേക്കു 11–ാമത്തെ ചേരുവ ചേർത്തിളക്കി വരട്ടിയെടുക്കാം.
