കക്ക കുരുമുളകു റോസ്‌റ്റ്
1.കക്കയിറച്ചി, വൃത്തിയാക്കിയത് – 200 ഗ്രാം
2.മഞ്ഞൾപ്പൊടി – കാൽ ചെറിയ സ്പൂൺ
ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഉപ്പ് – പാകത്തിന്
കറിവേപ്പില – ഒരു തണ്ട്
വെള്ളം – കാൽ കപ്പ്
3.വെളിച്ചെണ്ണ – മൂന്നു വലിയ സ്പൂൺ
4.കറിവേപ്പില – ഒരു തണ്ട്
5.ഇഞ്ചി, ചതച്ചത് – അര വലിയ സ്പൂൺ
വെളുത്തുള്ളി, ചതച്ചത് – ഒരു വലിയ സ്പൂൺ
പച്ചമുളക് – ഒന്ന്, ചതച്ചത്
6.സവാള – രണ്ട്, അരിഞ്ഞത്
7.മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
പെരുംജീരകംപൊടി – അര ചെറിയ സ്പൂൺ
മല്ലിപ്പൊടി – കാൽ ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
പാകം ചെയ്യുന്ന വിധം
∙കക്കയിറച്ചിയിൽ രണ്ടാമത്തെ ചേരുവ ചേർത്തു വേവിച്ചു മാറ്റി വയ്ക്കുക.
∙പാനിൽ വെളിച്ചെണ്ണ ചൂടാക്കി കറിവേപ്പില വഴറ്റുക.
∙അഞ്ചാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ സവാള വഴറ്റണം.
∙ഗോൾഡൻ ബ്രൗൺ നിറമാകുമ്പോൾ ഏഴാമത്തെ ചേരുവ ചേർത്തു വഴറ്റുക.
∙ഇതിലേക്കു തയാറാക്കി വച്ചിരിക്കുന്ന കക്കയിറച്ചിയും ചേർത്തു വഴറ്റി വരട്ടിയെടുക്കുക.
∙കറിവേപ്പിലയും ചേർത്തിളക്കി വാങ്ങാം.
