ആവോലി വറുത്തത്
1.ആവോലി – ഒന്ന്
2.വറ്റൽമുളക് – അഞ്ച്
ചുവന്നുള്ളി – എട്ട്
3.ഇഞ്ചി – ഒരു ചെറിയ കഷണം
വെളുത്തുള്ളി – അഞ്ച് അല്ലി
കറിവേപ്പില – ഒരു തണ്ട്
മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
കുരുമുളകുപൊടി – അര ചെറിയ സ്പൂൺ
ഉപ്പ് – പാകത്തിന്
വെളിച്ചെണ്ണ – ഒരു വലിയ സ്പൂൺ
നാരങ്ങാനീര് – ഒരു വലിയ സ്പൂൺ
4.വെളിച്ചെണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙മീൻ കഴുകി വൃത്തിയാക്കി വരഞ്ഞു മാറ്റി വയ്ക്കുക.
∙വറ്റൽമുളകും ചുവന്നുള്ളിയും വെവ്വേറെ ചുട്ടു മാറ്റി വയ്ക്കുക.
∙മിക്സിയുടെ ജാറിൽ ചുട്ടുവച്ച മുളകും ചുവന്നുള്ളിയും മൂന്നാമത്തെ ചേരുവയും ചേർത്തു നന്നായി അരയ്ക്കണം.
∙ഇതു തയാറാക്കി വച്ചിരിക്കുന്ന മീനിൽ പുരട്ടി ചൂടായ എണ്ണയിൽ തിരിച്ചും മറിച്ചും ഇട്ടു വറുത്തെടുക്കുക.
