ഹെൽതി ഫ്രൈഡ് റൈസ്
1.ചിക്കൻ, എല്ലില്ലാതെ – 180 ഗ്രാം
2.കാരറ്റ്, പൊടിയായി അരിഞ്ഞത് – കാൽ കപ്പ്
ബ്രോക്ക്ലി, അരിഞ്ഞത് – കാൽ കപ്പ്
കാബേജ്, അരിഞ്ഞത് – കാൽ കപ്പ്
സവാള, അരിഞ്ഞത് – കാൽ കപ്പ്
ചെറുപയർ മുളപ്പിച്ചത് – കാല് കപ്പ്
3.മുട്ട – ഒന്ന്
4.ബസ്മതി അരി,വേവിച്ചത് – അരക്കപ്പ്
സോസിന്
5.സോയ സോസ് – ഒരു വലിയ സ്പൂൺ
ഗ്രീൻ ചില്ലി സോസ് – ഒരു വലിയ സ്പൂൺ
ഒലിവ് ഓയിൽ – ഒരു ചെറിയ സ്പൂൺ
പച്ചമുളക് – ഒന്ന്, പൊടിയായി അരിഞ്ഞത്
നാരങ്ങാനീര് – ഒരു നാരങ്ങയുടേത്
6.ഉപ്പ്, കുരുമുളക് – പാകത്തിന്
മല്ലിയില – അലങ്കരിക്കാൻ
പാകം ചെയ്യന്ന വിധം
∙പാൻ ചൂടാക്കി ചിക്കൻ ചെറിയ കഷണങ്ങളാക്കി മുറിച്ച് വേവിച്ചു മാറ്റി വയ്ക്കുക. എണ്ണ ചേർക്കരുത്.
∙ഇതേ പാനിലേക്കു രണ്ടാമത്തെ ചേരുവ ചേർത്തു വേവിക്കുക.
∙മുട്ട അടിച്ചതും ചേർത്തിളക്കി ചിക്കിയെടുക്കണം.
∙വേവിച്ചു വച്ചിരിക്കുന്ന അരിയും ചേർത്തിളക്കണം.
∙അഞ്ചാമത്തെ ചേരുല യോജിപ്പിച്ചു സോസ് തയാറാക്കി റൈസിൽ ചോർത്തു നന്നായി യോജിപ്പിക്കുക.
∙ആറാമത്തെ ചേരുവ ചേർത്തിളക്കി വാങ്ങാം.