തേങ്ങാപ്പാൽ കരിമീൻ പൊള്ളിച്ചത്
1.കരിമീൻ – രണ്ട്
2.കുരുമുളക് – ഒരു വലിയ സ്പൂൺ
മുളകുപൊടി – ഒരു വലിയ സ്പൂൺ
പെരുംജീരകം – ഒരു വലിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – ആവശ്യത്തിന്
ചുവന്നുള്ളി – മൂന്ന്
3.വെളിച്ചെണ്ണ – പാകത്തിന്
4.പച്ചമുളക് ചെറുതായി അരിഞ്ഞത് – രണ്ട്
ഇഞ്ചി ചെറുതായി അരിഞ്ഞത് – ഒരു കഷണം
ചുവന്നുള്ളി ചെറുതായി അരിഞ്ഞത് – അരക്കപ്പ്
കറിവേപ്പില – ആവശ്യത്തിന്
5.തേങ്ങ – അര മുറി തേങ്ങയുടെ കുറുകിയ പാൽ ഒരു കപ്പ്
പാകം ചെയ്യുന്ന വിധം
∙കരിമീൻ വൃത്തിയാക്കി വരഞ്ഞു വയ്ക്കുക.
∙രണ്ടാമത്തെ ചേരുവ യോജിപ്പിച്ച് അരച്ചെടുത്ത് കരിമീനിൽ പുരട്ടി പത്ത് മിനിറ്റ് വയ്ക്കണം.
∙ചുവടു കട്ടിയുള്ള ചീനച്ചട്ടി അടുപ്പിൽ വച്ചു വെളിച്ചെണ്ണ ചൂടാക്കി, മുകളിൽ വലുപ്പമുള്ള ഒരു വാഴയില ഇടുക.
∙നാലാമത്തെ ചേരുവയിൽ പകുതി വാഴയിലയിൽ വിതറി അതിനു മുകളിൽ മീൻ നിരത്തുക.
∙ഈ മീനിന്റെ മുകളിൽ നാലാമത്തെ ചേരുവയുടെ ബാക്കി വിതറിയ ശേഷം തേങ്ങാപ്പാൽ ഒഴിച്ച് ഒരു വാഴയില കൊണ്ടു മൂടി ചെറുതീയിൽ വേവിക്കുക. പാകമാകുമ്പോൾ മീൻ മറിച്ചിടുക.
∙വീണ്ടും മൂടി തേങ്ങാപ്പാൽ വറ്റുമ്പോൾ വാങ്ങി പൊടിയാതെ വിളമ്പുക.
