നാടൻ കോഴിക്കറി
1.ചിക്കൻ – ഒരു കിലോ
2.തക്കാളി – മൂന്ന്
3.വെളുത്തുള്ളി – അഞ്ച് അല്ലി
ഇഞ്ചി – ഒരു ചെറിയ കഷണം
കറുവാപ്പട്ട – ഒരു ചെറിയ കഷണം
ഗ്രാമ്പൂ – മൂന്ന്
ഏലയ്ക്ക – മൂന്ന്
പെരുംജീരകം – ഒന്നര ചെറിയ സ്പൂൺ
ജീരകം – അര ചെറിയ സ്പൂൺ
4.വെളിച്ചെണ്ണ – രണ്ടു വലിയ സ്പൂൺ
5.തേങ്ങാക്കൊത്ത് – കാൽ കപ്പ്
6.വറ്റൽമുളക് – നാല്, മുറിച്ചത്
കറിവേപ്പില – ഒരു തണ്ട്
7.സവാള – നാല്, അരിഞ്ഞത്
8.മല്ലിപ്പൊടി – നാലു വലിയ സ്പൂൺ
കശ്മീരി മുളകുപൊടി – രണ്ടു വലിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
9.ഉപ്പ് – പാകത്തിന്
വെള്ളം – ഒന്നരക്കപ്പ്
10.കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ചിക്കൻ വൃത്തിയാക്കി കഷണങ്ങളാക്കി വയ്ക്കുക.
∙തക്കാളി തിളച്ച വെള്ളത്തിൽ അഞ്ചു മിനിറ്റ് ഇട്ട ശേഷം തണുത്ത വെള്ളത്തിൽ ഇട്ട് തൊലി കളഞ്ഞ് മൂന്നാമത്തെ ചേരുവയും ചേർത്തു മയത്തിൽ അരച്ചു വയ്ക്കുക.
∙പാനിൽ വെളിച്ചെണ്ണ ചൂടാക്കി തേങ്ങാക്കൊത്ത് വറുക്കണം.
∙നിറം മാറി തുടങ്ങുമ്പോൾ ആറമത്തെ ചേരുവ ചേർത്തു വഴറ്റുക.
∙സവാള ചേർത്തു വഴറ്റി ഗോൾഡൻ ബ്രൗൺ നിറമാകുമ്പോൾ പൊടികൾ ചേർത്തു വഴറ്റണം.
∙പച്ചമണം മാറുമ്പോൾ അരച്ചു വച്ചിരിക്കുന്ന തക്കാളി മിശ്രിതവും ചേർത്തിളക്കണം.
∙എണ്ണ തെളിയുമ്പോൾ ചിക്കൻ കഷണങ്ങളും ചേർത്തിളക്കി പാകത്തിമുപ്പും വെള്ളവും ചേർത്തു മൂടി വച്ചു വേവിക്കുക.
∙വെന്തു പാകമാകുമ്പോൾ മൂടി തുറന്നു വച്ച് അഞ്ചു മിനിറ്റു വേവിക്കണം. കുറുകി വരുമ്പോൾ കറിവേപ്പില ചേർത്തിളക്കി വാങ്ങാം.
