പോർക്ക് ഡ്രൈ ഫ്രൈ
1.പോർക്ക് – അരക്കിലോ
2.ഉപ്പ് – പാകത്തിന്
മഞ്ഞൾപ്പൊടി – കാൽ ചെറിയ സ്പൂൺ
കാശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – അര വലിയ സ്പൂൺ
ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
വെളിച്ചെണ്ണ – ഒരു വലിയ സ്പൂൺ
കറിവേപ്പില – ഒരു തണ്ട്
3.വെളിച്ചെണ്ണ – രണ്ടു വലിയ സ്പൂൺ
4.ഇഞ്ചി, നീളത്തിൽ അരിഞ്ഞത് – ഒരു വലിയ സ്പൂൺ
വെളുത്തുള്ളി, നീളത്തിൽ അരിഞ്ഞത് – ഒരു വലിയ സ്പൂൺ
പച്ചമുളക് – രണ്ട്, നീളത്തിൽ അരിഞ്ഞത്
വറ്റൽമുളക് – രണ്ട്
കറിവേപ്പില – ഒരു തണ്ട്
5.സവാള – ഒന്ന്, നീളത്തിൽ അരിഞ്ഞത്
6.കശ്മീരി മുളകുപൊടി – ഒന്നര വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
7.കുരുമുളകുപൊടി – ഒരു ചെറിയ സ്പൂൺ
ഗരംമസാലപൊടി – ഒരു ചെറിയ സ്പൂൺ
പെരുംജീരകംപൊടി – അര ചെറിയ സ്പൂൺ
ജീരകംപൊടി – ഒരു ചെറിയ സ്പൂൺ
8.കറിവേപ്പില – ഒരു തണ്ട്
പാകം ചെയ്യുന്ന വിധം
∙പോർക്ക് നന്നായി കഴുകി വൃത്തിയാക്കി രണ്ടാമത്തെ ചേരുവ യോജിപ്പിച്ചു പാകത്തിനു വെള്ളം ഒഴിച്ചു പ്രഷർ കുക്കറിൽ വേവിച്ചു വയ്ക്കുക.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റണം.
∙പച്ചമണം മാറുമ്പോൾ സവാള ചേര്‍ത്തു വഴറ്റി ഗോള്‍ഡൻ നിറമാകുമ്പോൾ ആറാമത്തെ ചേരുവ ചേർത്തു വഴറ്റുക.
∙വേവിച്ചു വച്ചിരിക്കുന്ന പോർക്കു ചേർത്തു വഴറ്റി വെള്ളം വറ്റുമ്പോൾ ഏഴാമത്തെ ചേരുവ ചേർത്തിളക്കി വരട്ടിയെടുക്കമം.
∙കറിവേപ്പില ചേർത്തിളക്കി വാങ്ങാം.
