ചെമ്മീൻ തവ ഫ്രൈ
1.ചെമ്മീൻ – അരക്കിലോ
2.ചുവന്നുള്ളി അരിഞ്ഞത് – അരക്കപ്പ്
ഇഞ്ചി അരിഞ്ഞത് – ഒരു വലിയ സ്പൂൺ
വെളുത്തുള്ളി അരിഞ്ഞത് – ഒരു വലിയ സ്പൂൺ
കറിവേപ്പില – ഒരു തണ്ട്
വറ്റൽമുളക് – മൂന്ന്, ചതച്ചത്
മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – അര ചെറിയ സ്പൂൺ
പെരുംജീരകം ചതച്ചത് – അര ചെറിയ സ്പൂൺ
വെളിച്ചെണ്ണ – ഒരു വലിയ സ്പൂൺ
ഉപ്പ് – പാകത്തിന്
3.വെളിച്ചെണ്ണ – രണ്ടു വലിയ സ്പൂൺ
പാകം ചെയ്യുന്ന വിധം
∙ചെമ്മീൻ തൊണ്ടും നാരും കളഞ്ഞു വൃത്തിയാക്കി വയ്ക്കുക.
∙ഒരു ബൗളിൽ രണ്ടാമത്തെ ചേരുവ യോജിപ്പിച്ച് ചെമ്മീനും ചേർത്ത് ഒരു മണിക്കൂർ വയ്ക്കുക.
∙പാനിൽ വെളിച്ചെണ്ണ ചൂടാക്കി ചെമ്മീൻ ചേർത്തു വേവിക്കുക.
∙ചെമ്മീൻ പകുതി വേവാകുമ്പോൾ അരപ്പു ചേർത്തിളക്കി വേവിച്ചു വറുത്തു കോരുക.
∙ചൂടോടെ വിളമ്പാം.
