ഷെസ്‌വാൻ ചിക്കൻ റൈസ്
1.വറ്റൽമുളക് – ആറ്
2.എണ്ണ – രണ്ടു വലിയ സ്പൂൺ
3.വെളുത്തുള്ളി – ഒരു ചെറിയ സ്പൂൺ
സെലറി, അരിഞ്ഞത് – രണ്ടു വലിയ സ്പൂൺ
വറ്റൽമുളക് ചതച്ചത് – അര ചെറിയ സ്പൂൺ
4.ടുമാറ്റോ കെച്ചപ്പ് – ഒരു വലിയ സ്പൂൺ
സോയ സോസ് – ഒരു ചെറിയ സ്പൂൺ
വിനാഗിരി – ഒരു ചെറിയ സ്പൂൺ
പഞ്ചസാര – രണ്ടു വലിയ സ്പൂണ്‍
ഉപ്പ് – പാകത്തിന്
5.ചിക്കൻ ബ്രെസ്‌റ്റ് – 300 ഗ്രാം, ചെറിയ കഷണങ്ങളാക്കിയത്
6.ബസ്മതി അരി, വേവിച്ചത് – ഒന്നരക്കപ്പ്
7.കുരുമുളകുപൊടി – പാകത്തിന്
8.സ്പ്രിങ് അണിയൻ, അരിഞ്ഞത് – ഒരു വലിയ സ്പൂൺ
പാകം ചെയ്യുന്ന വിധം
∙വറ്റൽമുളക് കുരുകളഞ്ഞു ചൂടുവെള്ളത്തിൽ കുതിർത്ത് അരച്ചു വയ്ക്കുക.
∙പാനിൽ എണ്ണ ചൂടാക്കി മൂന്നാമത്തെ ചേരുവയും അരച്ച മുളകും ചേർത്തു വഴറ്റണം.
∙പച്ചമണം മാറുമ്പോൾ നാലാമത്തെ ചേരുവ വഴറ്റണം.
∙ചിക്കനും ചേർത്തു വഴറ്റി അഞ്ചു മിനിറ്റു വേവിക്കുക.
∙ഇതിലേക്ക് വേവിച്ച അരി ചേർത്തിളക്കി യോജിപ്പിക്കുക.
∙കുരുമുളകുപൊടി വിതറി സ്പ്രിങ് അണിയൻ കൊണ്ട് അലങ്കരിച്ചു വിളമ്പാം.
