സ്പെഷ്യൽ മീൻ വറുത്തത്
1.മീൻ – അരക്കിലോ
2.മഞ്ഞൾപ്പൊടി – അര ചെറിയ സ്പൂൺ
കാശ്മീരിമുളകുപൊടി – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
ഉപ്പ് – പാക‍ത്തിന്
3.ഇഞ്ചി–വെളുത്തുള്ളി പേസ്‍റ്റ് – രണ്ടു ചെറിയ സ്പൂൺ
നാരങ്ങാനീര് – രണ്ടു ചെറിയ സ്പൂൺ
എണ്ണ – ഒരു വലിയ സ്പൂൺ
4.വെള്ളം – ഒരു വലിയ സ്പൂൺ
5.എണ്ണ – വറുക്കാൻ ആവശ്യത്തിന്
6.കറിവേപ്പില – രണ്ടു തണ്ട്
വെളുത്തുള്ളി ചതച്ചത് – മൂന്ന്
പാകം ചെയ്യുന്ന വിധം
∙മീൻ കഴുകി വൃത്തിയാക്കി വെള്ളം വാലാൻ വയ്ക്കുക.
∙ഒരു പാത്രത്തിൽ രണ്ടാമത്തെ ചേരുവ ചേർത്തു യോജിപ്പിക്കുക.
∙ഇതിലേക്കു മൂന്നാമത്തെ ചേരുവ ചേർക്കുക.
∙ആവശ്യത്തിന് വെള്ളവും ചേർത്തു യോജിപ്പിക്കുക.
∙ഈ അരപ്പ് മീനിൽ പുരട്ടി അര മണിക്കൂർ വയ്ക്കുക.
∙എണ്ണ ചൂടാക്കി ഇതിൽ കറിവേപ്പിലയും വെളുത്തുള്ളി ചതച്ചതും ഇടുക. മൂത്തു വരുമ്പോൾ മീൻ ചേർത്തു വറുത്ത് കോരുക.
