സ്പൈസി ബട്ടർ ഗാർലിക് പ്രോൺസ്
1.ചെമ്മീൻ – 300 ഗ്രാം
2.വെണ്ണ – രണ്ടു ചെറിയ സ്പൂൺ
3.വെളുത്തുള്ളി, പൊടിയായി അരിഞ്ഞത് – ഒന്നര വലിയ സ്പൂൺ
പച്ചമുളക്, പൊടിയായി അരിഞ്ഞത് – ഒന്നര വലിയ സ്പൂൺ
4.സോയ സോസ് – ഒരു ചെറിയ സ്പൂൺ
ഉപ്പ് – പാകത്തിന്
5.തോങ്ങാപ്പാൽ – ഒരു വലിയ സ്പൂൺ
നാരങ്ങനീര് – ഒരു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
6.വെളുത്ത എള്ള് – ഒരു ചെറിയ സ്പൂൺ
പാകം ചെയ്യുന്ന വിധം
∙ചെമ്മീൻ തൊണ്ടും നാരും കളഞ്ഞു വൃത്തിയാക്കി വയ്ക്കുക.
∙പാനിൽ വെണ്ണ ചൂടാക്കി മൂന്നാമത്തെ ചേരുവ വഴറ്റുക.
∙ഇതിലേക്കു ചെമ്മീനും നാലാമത്തെ ചേരുവയും ചേർത്തു രണ്ടു–മൂന്നു മിനിറ്റു വഴറ്റുക.
∙അഞ്ചാമത്തെ ചേരുവ ചേർത്തു വഴറ്റി കുറുകി വരുമ്പോൾ എള്ളു വിതറി ചൂടോടെ വിളമ്പാം.