കൂന്തല്‍ ഫ്രൈ
1.കൂന്തൽ – അരക്കിലോ
2.ചുവന്നുള്ളി – പത്ത്
വെളുത്തുള്ളി – പത്ത് അല്ലി
ഇഞ്ചി – അരയിഞ്ചു കഷണം
3.മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – അര ചെറിയ സ്പൂൺ
കശ്മീരി മുളകുപൊടി – രണ്ടു ചെറിയ സ്പൂൺ
പെരുംജീരകംപൊടി – ഒരു ചെറിയ സ്പൂൺ
വാളൻപുളി – ഒരു ചെറിയ കഷണം, കുതിർത്തത്
കറിവേപ്പില – രണ്ടു തണ്ട്
വെളിച്ചെണ്ണ – അര ചെറിയ സ്പൂൺ
ഉപ്പ്, കുരുമുളകുപൊടി – പാകത്തിന്
4.വെളിച്ചെണ്ണ – മൂന്നു വലിയ സ്പൂൺ
5.കറിവേപ്പില – രണ്ടു തണ്ട്
ചുവന്നുള്ളി – പത്ത്, അരിഞ്ഞത്
6.വറ്റൽമുളകു ചതച്ചത് – അര ചെറിയ സ്പൂൺ
പാകം ചെയ്യുന്ന വിധം
∙കൂന്തൽ കഴുകി വൃത്തിയാക്കി മുറിച്ചു വയ്ക്കുക.
∙ഒരു വലിയ ബൗളിൽ രണ്ടാമത്തെ ചേരുവ ചതച്ചതും മൂന്നാമത്തെ ചേരുവയും കൂന്തലും ചേർത്തു യോജിപ്പിച്ചു പത്തു മിനിറ്റു വയ്ക്കുക.
∙പാനിൽ വെളിച്ചെണ്ണ ചൂടാക്കി അഞ്ചാമത്തെ ചേരുവ വഴറ്റുക.
∙ഇതിലേക്കു കൂന്തൽ ചേർത്തു നന്നായി വേവിച്ചു വെള്ളം വറ്റിച്ചെടുക്കണം.
∙വറ്റൽമുളകു ചതച്ചതും ചേർ‌ത്തിളക്കി വരട്ടി ചൂടോടെ വിളമ്പാം.
