തന്തൂരി മീൻ കറി
1.ഇടത്തരം കരിമീൻ – നാല്
2.മുളകുപൊടി – ഒരു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ജാതിക്കാപ്പൊടി – അര ചെറിയ സ്പൂൺ
ഉപ്പ് – പാകത്തിന്
വെളുത്തുള്ളി – രണ്ട് അല്ലി, അരച്ചത്
ഇഞ്ചി – കാൽ ഇഞ്ചു കഷണം, അരച്ചത്
3.എണ്ണ – ആവശ്യത്തിന്
4.സവാള ചെറുതായി അരിഞ്ഞത് – ഒന്ന്
5.ഗ്രാമ്പൂ ചതച്ചത് – രണ്ടു കഷണം
കറുവാപ്പട്ട ചതച്ചത് – ഒരു തുണ്ട്
6.വെളുത്തുള്ളി – പത്ത് അല്ലി, അരച്ചത്
ഇഞ്ചി – ഒരു ചെറിയ കഷണം, അരച്ചത്
പച്ചമുളക് – നാല്
മല്ലിയില, കറിവേപ്പില – ആവശ്യത്തിന്
7.തേങ്ങാപ്പാൽ – ഒരു ഇടത്തരം തേങ്ങയുടേത്
പാകം ചെയ്യുന്ന വിധം
∙മീൻ കഴുകി നന്നായി വൃത്തിയാക്കി വയ്ക്കുക.
∙രണ്ടാമത്തെ ചേരുവ യോജിപ്പിച്ചു തയാറാക്കിയ മീനിൽ പുരട്ടി അര മണിക്കൂർ വയ്ക്കുക.
∙ഒരു പാനിൽ എണ്ണയൊഴിച്ച് മീൻ പാതി വേവിൽ വറുത്തെടുക്കുക.
∙അതിനുശേഷം തവയിൽ വച്ചു കരിഞ്ഞു പോകാതെ ചുട്ടെടുക്കുക.
∙ഒരു മൺചട്ടിയിൽ എണ്ണ ഒഴിച്ചു ചൂടാക്കുക. ഇതിലേക്ക് സവാളയിട്ടു വഴറ്റിയശേഷം ഗ്രാമ്പൂവും കറുവാപ്പട്ടയും ചേർക്കുക.
∙ഇതിലേക്ക് ആറാമത്തെ ചേരുവ മിക്സിയിൽ ഒന്നടിച്ചെടുത്തതു ചേർത്തു വഴറ്റുക.
∙മസാലയുടെ പച്ചമണം മാറുമ്പോൾ ഇതിലേക്ക് തേങ്ങയുടെ ഒന്നാം പാൽ ചേർക്കുക.
∙അതിനുശേഷം വറുത്തു വച്ചിരിക്കുന്ന മീൻ ചേർക്കുക. ആവശ്യത്തിന് ഉപ്പും ചേർത്ത് ചട്ടി മൂടി വയ്ക്കുക.
∙മീൻ നന്നായി വെന്ത് അരപ്പു വഴറ്റിയ ശേഷം ഇതിലേക്ക് ഒന്നാം പാൽ ചേർക്കുക.
∙ചെറുതായി ചൂടായശേഷം അടുപ്പിൽ നിന്നു വാങ്ങി ചൂടാറിയശേഷം ഉപയോഗിക്കാം.