മുട്ടക്കറി
1.മുട്ട – മൂന്ന്
2.എണ്ണ – നാലു വലിയ സ്പൂൺ
3.ജീരകം – ഒരു ചെറിയ സ്പൂൺ
4.വെളുത്തുള്ളി – അഞ്ച് അല്ലി, പൊടിയായി അരിഞ്ഞത്
ഇഞ്ചി – അരയിഞ്ചു കഷണം, പൊടിയായി അരിഞ്ഞത്
സവാള – ഒന്ന്, പൊടിയായി അറിഞ്ഞത്
5.മഞ്ഞൾപ്പൊടി – അര ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
ഗരംമസാലപൊടി – ഒരു ചെറിയ സ്പൂൺ
പെരുംജീരകംപൊടി – അര ചെറിയ സ്പൂൺ
ഉപ്പ് – പാകത്തിന്
6.തക്കാളി – രണ്ടു വലുത്, പൊടിയായി അരിഞ്ഞത്
7.പച്ചമുളക് – രണ്ട്, അരിഞ്ഞത്
8.മല്ലിയില, പൊടിയായി അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙മുട്ട പുഴുങ്ങി തൊലി കളഞ്ഞു രണ്ടായി മുറിച്ചു വയ്ക്കുക.
∙പാനിൽ എണ്ണ ചൂടാക്കി ജീരകം വഴറ്റണം.
∙നാലാമത്തെ ചേരുവ ചേർത്തു വഴറ്റി സവാള കണ്ണാടി പരുവമാകുമ്പോൾ പൊടികൾ ചേർത്തു വഴറ്റുക.
∙പച്ചമണം മാറുമ്പോൾ തക്കാളി ചേർത്തു വഴറ്റി മൂടി വച്ചു വേവിക്കണം.
∙തക്കാളി ഉടഞ്ഞ് എണ്ണ തെളിയുമ്പോൾ മുട്ടയും പച്ചമുളകും ചേർത്തിളക്കി മല്ലിയില ചേർത്തു വിളമ്പാം.
