അങ്കമാലിയിൽ കല്യാണങ്ങളിലെ പ്രധാനിയാണ് മാങ്ങാക്കറി. തലേദിവസം തന്നെ തയാറാക്കുന്ന വിശിഷ്ടമായ ഒരു കറിയാണ് മാങ്ങാക്കറി. ഇതു കൂട്ടി ചോറുണ്ണാൻ അപാര രുചിയുമാണ്. ഇതാ റെസിപ്പി.
ചേരുവകൾ
1.പച്ചമാങ്ങ - ഒന്ന്
2.സവാള – രണ്ട്
3.ചുവന്നുള്ളി – 10
4.ഇഞ്ചി – ഒരു കഷണം
5.പച്ചമുളക് – 4
6.കറിവേപ്പില – രണ്ടു തണ്ട്
7.നാളികേരം – ഒന്നാം പാൽ രണ്ടാം പാൽ
8.ഉപ്പ് – ആവശ്യത്തിന്
9.മഞ്ഞൾപൊടി – കാൽ ടീസ്പൂൺ
10.മുളകുപൊടി – അര ടീസ്പൂൺ
11.മല്ലിപ്പൊടി – അര ടീസ്പൂൺ
തയാറാക്കേണ്ട വിധം
∙മാങ്ങ, സവാള, പച്ചമുളക്, ചുവന്നുള്ളി, ഇഞ്ചി, കറിവേപ്പില എല്ലാം കഴുകി വൃത്തിയാക്കി അരിഞ്ഞു വയ്ക്കുക.
∙അതിലേക്കു മഞ്ഞൾപ്പൊടി, മുളകുപൊടി, മല്ലിപ്പൊടി, ഉപ്പ് ചേർത്ത് നന്നായി തിരുമ്മി വയ്ക്കുക.
∙കുറച്ചുനേരത്തിന് ശേഷം അതിലേക്ക് രണ്ടാം പാൽ ഒഴിച്ച് വേവിക്കുക.
∙എല്ലാ കഷ്ണങ്ങളും നന്നായി മിക്സ് ആയാൽ ഗ്യാസ് ഓഫ് ചെയ്തതിനു ശേഷം ഒന്നാം പാൽ ചേർക്കുക.
∙വെളിച്ചെണ്ണ ഒഴിച്ചു ചുവന്നുള്ളി വറുക്കുക.
∙അതിലേക്ക് കടുക്, വറ്റല്‍മുളക്, കറിവേപ്പില ചേർത്ത് വറവ് ഇടുക.
