നല്ല മയമുള്ള അപ്പം എങ്ങനെ ഉണ്ടാക്കാം എന്നു നോക്കാം. കൂട്ടത്തിൽ കൊതിപ്പിക്കും രുചിയിൽ എഗ്ഗ് മോലിയും.
പാലപ്പം
ചേരുവകൾ
1.പച്ചരി – 1½ കപ്പ്
2.തേങ്ങ ചിരകിയത് – ¾ കപ്പ്
3.ചോറ് - ½ കപ്പ്
4.തേങ്ങ വെള്ളം – 2 ഗ്ലാസ്
5.പഞ്ചസാര – 2ടേബിള് സ്പൂണ്
6.ഉപ്പ് – പാകത്തിന്
പാകം ചെയ്യുന്ന വിധം
∙പച്ചരി വെള്ളത്തില് ഇട്ട് 6 – 8 മണിക്കൂര് കുതിര്ക്കാന് വയ്ക്കുക.
∙തേങ്ങാവെള്ളം ഒരു ടേബിൾ സ്പൂൺ പഞ്ചസാര ചേർത്ത് ഒരു ദിവസം പുളിക്കാൻ വയ്ക്കുക.
∙അരി കഴുകി തേങ്ങയും ചോറും തേങ്ങ വെള്ളവും പഞ്ചസാരയും ചേര്ത്ത് നന്നായി അരച്ച് എടുക്കണം. വെള്ളം അധികം ആകരുത്.
∙ഇത് ഒരു രാത്രി മുഴുവന് പുളിക്കാന് വയ്ക്കണം.
∙പിറ്റേന്ന് ആവശ്യത്തിന് ഉപ്പും ചേര്ത്ത് അപ്പച്ചട്ടിയില് പലപ്പം ചുട്ടെടുക്കാം.
∙അപ്പച്ചട്ടി ചൂടാകുമ്പോള്ഒരു തവി മാവു ഒഴിച്ച് അപ്പച്ചട്ടി ഒരു വട്ടം ചുറ്റിച്ചു അടച്ചു വേവാന് വെക്കുക .നടുക്ക് ഭാഗം നന്നായി വെന്തുകഴിയുമ്പോള് ചട്ടിയില് നിന്നും മാറ്റുക. പാലപ്പം തയാര്.
എഗ്ഗ് മോളി
ചേരുവകൾ
1.കോഴിമുട്ട – 6
2.സവാള - 2
3.ഇഞ്ചി ചതച്ചത് - 2 ടേബിൾ സ്പൂൺ
4.വെളുത്തുള്ളി ചതച്ചത് - 2 ടേബിൾ സ്പൂൺ
5.കാന്താരി മുളക് – 8-9
6.തക്കാളി - 1
7.കറുവാപ്പട്ട – 2 കഷണം
8.ഗ്രാമ്പൂ – 5
9.ഏലയ്ക്ക – 6
10.വെളിച്ചെണ്ണ – 2 ടേബിള് സ്പൂണ്
11.തേങ്ങ പാല് – 2 കപ്പ്
12.കറിവേപ്പില – 2 തണ്ട്
13.ഉപ്പ് – പാകത്തിന്
14.മഞ്ഞള് പൊടി - ½ ടീസ്പൂൺ
15.മല്ലിപൊടി - 2ടേബിള് സ്പൂണ്
16.കുരുമുളകുപൊടി - 1ടീസ്പൂൺ
17.പെരുംജീരകം പൊടി - 1ടീസ്പൂൺ
പാകം ചെയ്യുന്ന വിധം
•മുട്ട ഓരോന്നും മുട്ടയുടെ മഞ്ഞ ഉടഞ്ഞു പോകാതെ ഇഡ്ഡലി പാത്രത്തിന്റെ മയം പുരട്ടിയ തട്ടില് ഓരോ കുഴിയിലും ഓരോന്നായി ഒഴിച്ച് 3 മിനിട്ട് നേരം ആവിയില് വേവിച്ചെടുക്കുക. മുട്ട പാകമാകുമ്പോള് തട്ട് പുറത്തെടുത്ത് വയ്ക്കുക.
•പാനിൽ വെളിച്ചെണ്ണ ഒഴിച്ച് കടുക് ഇട്ടു പൊട്ടുമ്പോൾ കറുവാപ്പട്ട, ഗ്രാമ്പൂ, ഏലയ്ക്ക എന്നിവ ചേർക്കുക .
•ശേഷം സവാള അരിഞ്ഞതും ഇഞ്ചി, വെളുത്തുള്ളി, കാന്താരി മുളക്, കറിവേപ്പില, തക്കാളി എന്നിവ ചേർത്ത് നന്നായി വഴറ്റുക.
∙പൊടികളെല്ലാം ഇട്ടു വഴന്നു വരുമ്പോൾ തേങ്ങാപ്പാലു ം മുട്ടയും ചേർക്കാം. എഗ്ഗ് മോലി തയാർ.
