പാൻകേക്ക് വിത് ബനാന ഫില്ലിങ്
ഫില്ലിങ്ങിന്
1. നെയ്യ് - ഒരു വലിയ സ്പൂൺ
2. തേങ്ങ ചുരണ്ടിയത് - ഒരു കപ്പ്
3. പഞ്ചസാര - രണ്ടു വലിയ സ്പൂൺ
4. ഏത്തപ്പഴം ചെറിയ ചതുരക്കഷണങ്ങളാക്കിയത് - ഒരു കപ്പ്
കശുവണ്ടിപ്പരിപ്പ് നുറുക്കിയത് - രണ്ടു വലിയ സ്പൂൺ
5. കറുവാപ്പട്ട പൊടിച്ചത് - കാൽ െചറിയ സ്പൂൺ
പാൻകേക്കിന്
6. മൈദ - അരക്കപ്പ്
ഉപ്പ് - പാകത്തിന്
7. മുട്ട - ഒന്ന്, അടിച്ചത്
പാൽ - അരക്കപ്പ്
വെള്ളം - കാൽ-അരക്കപ്പ്
പാകം െചയ്യുന്ന വിധം
∙ നെയ്യ് ചൂടാക്കി തേങ്ങ ചേർത്തു വരട്ടി വെള്ളം മുഴുവൻ വലിയുമ്പോൾ പഞ്ചസാര ചേർത്തിളക്കുക.
∙ തേങ്ങ നന്നായി വരണ്ട്, പഞ്ചസാര അലിയുമ്പോൾ ഏത്തപ്പഴവും കശുവണ്ടിപ്പരിപ്പും ചേർത്തു വരട്ടുക.
∙ ബ്രൗണ് നിറമാകുമ്പോൾ കറുവാപ്പട്ട പൊടിച്ചതും േചർത്തിളക്കി അടുപ്പിൽ നിന്നു വാങ്ങി വയ്ക്കുക. ഇതാണ് ഫില്ലിങ്.
∙ പാൻകേക്ക് തയാറാക്കാൻ മൈദയും ഉപ്പും േചർത്ത് ഇടയണം.
∙ ഇതിൽ ഏഴാമത്തെ േചരുവ േചർത്തിളക്കി കട്ടകെട്ടാതെ മയമുള്ള, കോരിയൊഴിക്കാൻ പാകത്തിനുള്ള മാവു തയാറാക്കുക.
∙ നോൺസ്റ്റിക് പാനിൽ മയം പുരട്ടി ഓരോ തവി മാവു വീതം കോരിയൊഴിച്ചു പരത്തി, പാൻകേക്ക് തയാറാക്കി വയ്ക്കണം.
∙ ഓരോ പാൻകേക്കിലും ഏത്തപ്പഴം ഫില്ലിങ് വച്ചു ചുരുട്ടി വിളമ്പാം.