സ്കൂളിലേക്ക് മുട്ടച്ചോറ് കൊടുത്തുവിട്ടോളൂ... കുട്ടികള്‍ ആസ്വദിച്ചു കഴിക്കും! Easy Mutta Choru Recipe: A Kerala Delight
Mail This Article
മുട്ടച്ചോറ്
1. എണ്ണ – രണ്ടു ചെറിയ സ്പൂണ്‍
2. മുട്ട – നാല്
ഉപ്പ് – അല്‍പം
3. കടുക് – ഒരു ചെറിയ സ്പൂണ്‍
വറ്റല്‍മുളക് കഷണങ്ങളാക്കിയത് – ഒരു ചെറിയ സ്പൂണ്‍
കറിവേപ്പില – രണ്ടു തണ്ട്
ജീരകം – ഒരു ചെറിയ സ്പൂണ്‍
4. സവാള അരിഞ്ഞത് – ഒരു കപ്പ്
പച്ചമുളക് – നാല്, അരിഞ്ഞത്
5. തക്കാളി അരിഞ്ഞത് – കാല്‍ കപ്പ്
കാപ്സിക്കം അരിഞ്ഞത് – കാല്‍ കപ്പ്
6. മഞ്ഞള്‍പ്പൊടി – ഒരു ചെറിയ സ്പൂണ്‍
മുളകുപൊടി – അര ചെറിയ സ്പൂണ്‍
ഉപ്പ് – പാകത്തിന്
7. ബസ്മതി അരി /പച്ചരി വേവിച്ചത് – ഒരു കപ്പ്
8. കുരുമുളകുപൊടി – അര ചെറിയ സ്പൂണ്‍
മല്ലിയില – പാകത്തിന്
പാകം ചെയ്യുന്ന വിധം
∙ പാനില്‍ എണ്ണ ചൂടാക്കി മുട്ട ഉപ്പു ചേര്‍ത്തു ചിക്കിപ്പൊരിച്ചു കോരി മാറ്റിവയ്ക്കുക.
∙ അതേ എണ്ണയില്‍ മൂന്നാമത്തെ ചേരുവ താളിക്കണം.
∙ ഇതിലേക്കു സവാളയും പച്ചമുളകും ചേര്‍ത്തു വഴറ്റുക.
∙ തക്കാളിയും കാപ്സിക്കവും ചേര്‍ത്തു വഴറ്റിയ ശേഷം ആറാമത്തെ ചേരുവ ചേര്‍ത്തു വഴറ്റണം.
∙ ഇതിലേക്കു മുട്ടയും വേവിച്ചു വച്ച റൈസും ചേര്‍ത്തിളക്കുക. രണ്ടു മിനിറ്റ് നല്ല തീയില്‍ വച്ച ശേഷം കുരുമുളകുപൊടിയും മല്ലിയിലയും ചേര്‍ത്തിളക്കി വാങ്ങാം.
പാചകക്കുറിപ്പുകൾക്കു കടപ്പാട്: അമിത് സന്തോഷ്, കോഴിക്കോട്