വൈകുന്നേരങ്ങൾ കൂടുതൽ സ്‌പെഷ്യൽ ആക്കാം, ക്രിസ്പി ചെമ്മീൻ റോളിലൂടെ

ഒരു വിയറ്റ്നാമീസ് വിഭവമാണ് ചെമ്മീൻ റൈസ് പേപ്പർ റോൾ. സ്പൈസി ചെമ്മീൻ ഫില്ലിംഗ് ആണ് ഇതിന്റെ ഹൈലൈറ്റ്. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ആരോഗ്യകരമായ ലഘുഭക്ഷണം

ആവശ്യമായ സാധനങ്ങൾ 
ചെമ്മീൻ - 200 ഗ്രാം 
വെളിച്ചെണ്ണ - ആവശ്യത്തിന്  
റൈസ് പേപ്പർ ഷീറ്റുകൾ - 10 എണ്ണം
സവാള - അര കഷ്ണം (നീളത്തിൽ അരിഞ്ഞത്) 
ചെറിയ ഉള്ളി - ആവശ്യത്തിന് (നീളത്തിൽ അരിഞ്ഞത്) 
ഇഞ്ചി, പച്ചമുളക്,  വെളുത്തുള്ളി,  കറിവേപ്പില - ആവശ്യത്തിന് 
മല്ലിയില: ആവശ്യത്തിന്
കുരുമുളക് പൊടി - 2 ടീസ്പൂൺ 
മഞ്ഞൾപൊടി -  1/2 ടീസ്പൂൺ 
ഗരംമസാല - 1/2 ടീസ്പൂൺ 
മല്ലിപ്പൊടി - 1/2 ടീസ്പൂൺ 
മുളക്പൊടി -1ടീസ്പൂൺ 
വെള്ളം - ആവശ്യത്തിന് 

തയ്യാറാക്കുന്ന വിധം  
. വൃത്തിയാക്കിയ ചെമ്മീനിൽ മസാലകൾ ചേർത്തു നന്നായി പൊരിച്ചെടുക്കുക. 
. അതെ വെളിച്ചെണ്ണയിൽ ബാക്കി പച്ചക്കറികൾ നന്നായി വഴറ്റി എടുക്കുക. 
. പാകമാകുമ്പോൾ പൊരിച്ചു വെച്ച ചെമ്മീനും ചേർത്ത് ഇളക്കുക. 
.  മറ്റൊരു പാത്രത്തിൽ ചെറു ചൂടുവെള്ളം എടുക്കുക. റൈസ് പേപ്പർ ഷീറ്റ് 5-8 സെക്കൻഡ് വെള്ളത്തിൽ മുക്കി വെക്കുക. 
. മൃദുവാകുമ്പോൾ പുറത്തെടുത്ത് ഒരു നനഞ്ഞ പ്ലേറ്റിലോ ബോർഡിലോ വെക്കുക.
. റൈസ് പേപ്പറിന്റെ നടുവിലായി സവാള വെക്കുക. അതിനു മുകളിലായി ചെമ്മീൻ മസാല കൂടി വെച്ച് റോൾ ചെയ്യുക
. റൈസ് പേപ്പറിന്റെ അടിഭാഗം മുകളിലേക്ക് മടക്കി, വശങ്ങൾ ഉള്ളിലേക്ക് മടക്കി, ടൈറ്റ് ആയി റോൾ ചെയ്ത് എടുക്കുക.
. റോളിന്റെ രണ്ടു വശങ്ങളും വീണ്ടും അല്പം വെളിച്ചെണ്ണയിൽ ഒന്ന് പൊരിച്ചെടുക്കാം 
.  ഇഷ്ട്ടപെട്ട സോസിനൊപ്പം വിളമ്പാം