രുചികരമായ ബ്രെഡ് പക്കോഡ വളരെ എളുപ്പത്തിൽ തയ്യാറാക്കാൻ സാധിക്കും. ബ്രെഡും പച്ചക്കറികളും ഉപയോഗിച്ച് തയ്യാറാക്കുന്ന ഈ പലഹാരം വൈകുന്നേരങ്ങളിലെ ചായയ്ക്കൊപ്പം കഴിക്കാൻ ഏറ്റവും മികച്ചതാണ്.
ആവശ്യമായ ചേരുവകൾ
. ബ്രെഡ് - 6 എണ്ണം (കഷണങ്ങളായി മുറിച്ചത്
. സവാള -1 എണ്ണം (പൊടിയായി അരിഞ്ഞത്)
. തക്കാളി - 1 എണ്ണം (പൊടിയായി അരിഞ്ഞത്
. പച്ചമുളക് - 2 എണ്ണം (പൊടിയായി അരിഞ്ഞത്)
. മുളകുപൊടി - 1/2 ടീസ്പൂൺ
. ഗരം മസാല - 1/4 ടീസ്പൂൺ
. ഉപ്പ് - ആവശ്യത്തിന്
. വെളിച്ചെണ്ണ - വറുക്കാൻ ആവശ്യത്തിന്
. വെള്ളം - മാവ് കുഴയ്ക്കാൻ ആവശ്യത്തിന്
തയ്യാറാക്കുന്ന വിധം
. ഒരു പാത്രത്തിൽ ബ്രെഡുകൾ നനച്ച് കുഴയ്ക്കുക.
. ഇതിലേക്ക് ഉള്ളി, തക്കാളി, പച്ചമുളക് അല്പം മുളകുപൊടി, മഞ്ഞൾപ്പൊടി, ഉപ്പ് എന്നിവ ചേർത്ത് യോജിപ്പിച്ചെടുക്കുക.
. ഒരു പാനിൽ എണ്ണ ഒഴിച്ച് ചൂടാക്കുക.
. എണ്ണ നന്നായി ചൂടായ ശേഷം ചെറിയ കഷ്ണങ്ങളായി എണ്ണയിലിട്ട് ഗോൾഡൻ ബ്രൗൺ നിറമാകുന്നത് വരെ വറുത്തെടുക്കുക.
. ചൂടോടെ സോസിനൊപ്പമോ അല്ലെങ്കിൽ ചട്നിയൊപ്പമോ കഴിക്കാവുന്നതാണ്.