സ്പൈസി തട്ടുകട സ്റ്റൈൽ രുചിയിൽ തയ്യാറാക്കാവുന്ന ഒന്നാണ് മസാല സ്വീറ്റ് കോൺ. ലോകകപ്പ് മത്സരങ്ങൾ ആസ്വദിക്കുമ്പോൾ ഫ്രൈഡ് ഐറ്റംസിന് പകരം കഴിക്കാൻ പറ്റിയ ഏറ്റവും ആരോഗ്യകരവും രുചികരവുമായ സ്നാക്ക് ആണിത്.
ആവശ്യമായ ചേരുവകൾ
സ്വീറ്റ് കോൺ - 2 എണ്ണം
വെണ്ണ - 1 ടീസ്പൂൺ
ചില്ലി ഫ്ലേക്ക്സ് - 1/2 ടീസ്പൂൺ
വെളുത്തുള്ളി - 10 അല്ലി
തൈം - 1/4 ടീസ്പൂൺ
നാരങ്ങാനീര് - 1 ടീസ്പൂൺ
കുരുമുളക് പൊടി - 1/2 ടീസ്പൂൺ
ടൊമാറ്റോ സോസ് - ആവശ്യത്തിന്
മല്ലിയില - ആവശ്യത്തിന്
ഉപ്പ് - ആവശ്യത്തിന്
തയ്യാറാക്കുന്ന വിധം
. ഒരു പാത്രത്തിൽ വെള്ളമെടുത്ത് ഉപ്പും ചേർത്ത് കഷ്ണങ്ങളാക്കിയ സ്വീറ്റ് കോൺ നന്നായി വേവിച്ചെടുക്കുക.
. വെന്ത കോൺ വെള്ളം ഊറ്റി മാറ്റിയ ശേഷം ഒരു പാത്രത്തിലേക്ക് മാറ്റുക.
. മറ്റൊരു പാത്രത്തിൽ വെണ്ണ ചേർത്ത് നന്നായി ഇളക്കുക.
. വെളുത്തുള്ളി, ചില്ലി ഫ്ലേക്ക്സ്, കുരുമുളകുപൊടി, തൈം, ടൊമാറ്റോ സോസ്, മല്ലിയില, ആവശ്യത്തിന് ഉപ്പ് എന്നിവ ചേർത്ത് നന്നായി യോജിപ്പിക്കുക.
. തയ്യാറാക്കിയ മസാലയിലേക്ക് വേവിച്ചു വെച്ച കോൺ ചേർത്തിളക്കി യോജിപ്പിക്കാം.
. അവസാനമായി നാരങ്ങാനീര് കൂടി ഒഴിച്ച് ഇളക്കി ചൂടോടെ വിളമ്പാം.