തേങ്ങാപ്പാലിന്റെ മധുരവും കുരുമുളകിന്റെയും പച്ചമുളകിന്റെയും എരിവും ഒത്തുചേർന്ന ഒരു പരമ്പരാഗത കേരള വിഭവമാണ് കൂൺ മപ്പാസ്. കൂണിന്റെയും ഉരുളക്കിഴങ്ങിന്റെയും കൂട്ട് ഇതിന്റെ രുചി ഡബിളാക്കുന്നു.
ആവശ്യമായ ചേരുവകൾ
1. കൂൺ– 250 ഗ്രാം
2. എണ്ണ – രണ്ടു വലിയ സ്പൂൺ
3. സവാള നീളത്തിൽ അരിഞ്ഞത്– 75 ഗ്രാം
വെളുത്തുള്ളി പൊടിയായി അരിഞ്ഞത്– രണ്ടു ചെറിയസ്പൂൺ
ഇഞ്ചി – ഒരു വലിയ കഷണം, നീളത്തിൽ അരിഞ്ഞത്
പച്ചമുളക് – രണ്ട്,അറ്റം പിളർന്നത്
കറിവേപ്പില – ഒരു തണ്ട്
4. മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
മല്ലിപ്പൊടി – രണ്ടു ചെറിയസ്പൂൺ
5. വെള്ളം – 75 മില്ലി
ഉപ്പ് – പാകത്തിന്
6. തേങ്ങാപ്പാൽ – 75 മില്ലി
7. വെളിച്ചെണ്ണ– രണ്ടു ചെറിയ സ്പൂൺ
8. ചുവന്നുള്ളി അരിഞ്ഞത് – ഒരു ചെറിയ സ്പൂൺ
കറിവേപ്പില – ഒരു തണ്ട്
9. പെരുംജീരകം പൊടി – കാൽ ചെറിയ സ്പൂൺ
പാകം ചെയ്യുന്ന വിധം
. കൂൺ ഓരോന്നും തുടച്ചു വൃത്തിയാക്കി രണ്ടായി മുറിച്ചു വയ്ക്കുക.
. എണ്ണ ചൂടാക്കി മൂന്നാമത്തെ ചേരുവ ചേർത്തു വഴറ്റി ഇളംബ്രൗൺ നിറമാകുമ്പോൾ നാലാമത്തെ ചേരുവ ചേർക്കണം.
∙ ഒന്നിളക്കി കരിഞ്ഞു പോകാതെ ഉടൻ തന്നെ കൂണും ഉപ്പും വെള്ളവും ചേർത്തിളക്കുക.
. കൂൺ വെന്ത ശേഷം തേങ്ങാപ്പാൽ ചേർത്തിളക്കി തിളയ്ക്കും മുൻപു വാങ്ങണം.
∙വെളിച്ചെണ്ണ ചൂടാക്കി കടുകു പൊട്ടിച്ച ശേഷം ചുവന്നുള്ളിയും കറിവേപ്പിലയും മൂപ്പിക്കണം.
. നല്ല ബ്രൗൺ നിറമാകുമ്പോൾ പെരുംജീരകപ്പൊടിയും ചേർത്തിളക്കി വാങ്ങി കറിയിൽ ചേർക്കാം.
. പറാത്തയ്ക്കൊപ്പം വിളമ്പാം.