പാവയ്ക്ക കഴിക്കാൻ മടിയുള്ളവർക്കായി തയ്യാറാക്കിയ കിടിലൻ പാവയ്ക്ക ചാട്ട്. നല്ല മസാലക്കൂട്ടുകളും പുളിയും ചേർത്ത് വറുത്തെടുത്ത ഈ വിഭവം ചോറിന്റെ കൂടെ കഴിക്കാൻ അടിപൊളിയാണ്. വളരെ എളുപ്പത്തിൽ ഇത് വീട്ടിൽ ഉണ്ടാക്കാം.
ആവശ്യമായ ചേരുവകൾ
1. പാവയ്ക്ക – രണ്ട് ഇടത്തരം
2. ഉപ്പ്– പാകത്തിന്
3. മഞ്ഞൾപ്പൊടി – അര ചെറിയ സ്പൂൺ
4. എണ്ണ – ആവശ്യത്തിന്
ചാട്ട്മസാല - മിക്സിന്
5. സവാള – ഒരു ചെറുത്, പൊടിയായി അരിഞ്ഞത്
തക്കാളി – ഒരു ചെറുത്, പൊടിയായി അരിഞ്ഞത്
പച്ചമുളക് – ഒന്ന്,പൊടിയായി അരിഞ്ഞത്
നാരങ്ങാനീര് –ഒന്നര വലിയ സ്പൂൺ
ചാട്ട്മസാല– ഒരു ചെറിയ സ്പൂൺ
ജീരകം വറുത്തു പൊടിച്ചത്– അര ചെറിയ സ്പൂൺ
മുളകുപൊടി– അര ചെറിയ സ്പൂൺ
ബ്ലാക്ക് സോൾട്ട് –കാൽ ചെറിയ സ്പൂൺ
വാളൻപുളി ചട്നി – രണ്ടു വലിയ സ്പൂൺ
6. മല്ലിയില അരിഞ്ഞത്– രണ്ടു വലിയ സ്പൂൺ
പാകം ചെയ്യുന്ന വിധം
∙ പാവയ്ക്ക കഴുകി കനം കുറച്ചരിഞ്ഞ് ഉപ്പു പുരട്ടി 15–20 മിനിറ്റ് വയ്ക്കണം.
. വെള്ളം നന്നായി ഊറ്റിക്കളഞ്ഞു കഴുകിയ ശേഷം അൽപം ഉപ്പും മഞ്ഞൾപ്പൊടിയും ചേർത്ത് അൽപം എണ്ണയിൽ ഗോൾഡൻ ബ്രൗൺ നിറത്തിൽ കരുകരുപ്പായി വറുത്തുകോരി, ടിഷ്യു പേപ്പറിൽ നിരത്തണം.
∙ അഞ്ചാമത്തെ ചേരുവ യോജിപ്പിച്ചതിൽ പാവയ്ക്ക വറുത്തതും ചേർത്തിളക്കുക.
∙ മല്ലിയില കൊണ്ട് അലങ്കരിച്ചു വിളമ്പാം.