എളുപ്പത്തിൽ തയ്യാറാക്കാവുന്ന ഒരു സ്വാദിഷ്ടമായ വിഭവമാണ് സിംപിൾ ഫ്രൈഡ് റൈസ്. വീട്ടിലുള്ള പച്ചക്കറികളും ബാക്കി വന്ന ചോറും ഉപയോഗിച്ച് വെറും 10 മിനിറ്റിനുള്ളിൽ ഇത് ഉണ്ടാക്കാം.
ആവശ്യമായ ചേരുവകൾ
1. ചിക്കൻ കനം കുറച്ചു സ്ലൈസ് ചെയ്തത് – 150 ഗ്രാം
2. കുക്കിങ് വൈൻ – ഒരു ചെറിയ സ്പൂൺ
ലൈറ്റ് സോയാസോസ് – ഒരു ചെറിയ സ്പൂൺ
കോൺഫ്ളോർ – ഒരു ചെറിയ സ്പൂൺ
3. എണ്ണ– രണ്ടു വലിയ സ്പൂൺ
4. മുട്ട – രണ്ട്, മെല്ലേഅടിച്ചത്
5. കാബേജ്, കാരറ്റ്, കാപ്സികം (പൊടിയായി അരിഞ്ഞത്) – അരക്കപ്പ്
6. ഒരു ദിവസം പഴക്കമുള്ള ചോറ് – രണ്ടു കപ്പ്
ചിക്കൻ സ്റ്റോക്ക് പൗഡർ – അര ചെറിയ സ്പൂൺ
ശ്രീരച സോസ് – അര ചെറിയ സ്പൂൺ
ഓയ്സ്റ്റർ സോസ് – ഒരു ചെറിയ സ്പൂൺ
ഉപ്പ്, കുരുമുളകുപൊടി – പാകത്തിന്
പാകം ചെയ്യുന്ന വിധം
∙ ചിക്കനിൽ രണ്ടാമത്തെ ചേരുവ പുരട്ടി 15 മിനിറ്റ് വയ്ക്കുക.
∙ ചീനച്ചട്ടിയിൽ എണ്ണ ചൂടാക്കി മുട്ട ചേർത്തു മയത്തിൽ ചിക്കിപ്പൊരിച്ചു മാറ്റി വയ്ക്കണം.
∙ അതേ പാനിൽ തന്നെ ചിക്കൻ ചേർത്തു വേവിച്ച ശേഷം പച്ചക്കറികളും ചേർത്തിളക്കണം.
∙ വേവാകുമ്പോൾ ആറാമത്തെ ചേരുവ ചേർത്തിളക്കുക.
. ചിക്കിപ്പൊരിച്ച മുട്ടയും ചേർത്തിളക്കി വാങ്ങി ഉടൻ വിളമ്പാം.