കേരളത്തിലെ സദ്യകളിൽ പ്രധാനപ്പെട്ട ഒന്നാണ് മത്തങ്ങ എരിശ്ശേരി. മത്തങ്ങയും തേങ്ങയും പയറും ചേർത്ത് എളുപ്പത്തിൽ ഇത് തയാറാക്കാം.
ആവശ്യമായ ചേരുവകൾ
മത്തങ്ങ (ചെറുതായി അരിഞ്ഞത്) - 2 കപ്പ്
വൻപയർ (വേവിച്ചത്) - 1/2 കപ്പ്
മഞ്ഞൾപ്പൊടി - 1/2 ടീസ്പൂൺ
മുളകുപൊടി - 1/4 ടീസ്പൂൺ
ഉപ്പ് - പാകത്തിന്
വെള്ളം - ആവശ്യത്തിന്
അരയ്ക്കാൻ
തേങ്ങ ചിരകിയത് - 1/2 കപ്പ്
ജീരകം - 1/2 ടീസ്പൂൺ
പച്ചമുളക് - 2 അല്ലെങ്കിൽ 3
താളിക്കാൻ
വെളിച്ചെണ്ണ - 2 ടേബിൾസ്പൂൺ
കടുക് - 1/2 ടീസ്പൂൺ
വറ്റൽ മുളക് - 2 എണ്ണം
കറിവേപ്പില - 1 തണ്ട്
തേങ്ങ ചിരകിയത് (വറുക്കാൻ) - 1/2 കപ്പ്
പാകം ചെയ്യുന്ന വിധം
. മത്തങ്ങ ചെറിയ കഷ്ണങ്ങളായി അരിഞ്ഞെടുക്കുക.
. ഒരു പാത്രത്തിൽ മത്തങ്ങ കഷ്ണങ്ങൾ എടുത്ത്, അൽപ്പം മഞ്ഞൾപ്പൊടിയും മുളകുപൊടിയും ഉപ്പും അൽപ്പം വെള്ളവും ചേർത്ത് വേവിക്കുക.
. മത്തങ്ങ വെന്തു കഴിയുമ്പോൾ വേവിച്ച പയർ കൂടെ ചേർക്കുക.
. തേങ്ങയും ജീരകവും പച്ചമുളകും ചേർത്ത് മിക്സിയിൽ നന്നായി അരച്ചെടുക്കുക.
. ഈ അരപ്പ് വെന്തുനിൽക്കുന്ന മത്തങ്ങയിലേക്ക് ചേർത്ത് നന്നായി ഇളക്കി തിളപ്പിക്കുക. ഉപ്പ് പാകത്തിനാണോ എന്ന് നോക്കുക.
. കറി തിളച്ചു കുറുകി വരുമ്പോൾ തീ ഓഫ് ചെയ്ത് മാറ്റിവെക്കുക.
. ഒരു പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക. അതിലേക്ക് വറ്റൽ മുളകും കറിവേപ്പിലയും ചേർക്കുക.
. ബാക്കി വെച്ചിരിക്കുന്ന അരക്കപ്പ് തേങ്ങ ഇതിലേക്ക് ചേർത്ത് ചുവന്നു മൊരിയുന്നത് വരെ വറുക്കുക.
. ഇത് കറിയിലേക്ക് ചേർത്ത് നന്നായി ഇളക്കി അടച്ചുവെക്കുക.
സ്വാദിഷ്ടമായ മത്തങ്ങ എരിശ്ശേരി തയ്യാർ.