ദാൽ പാലക് തട്ക
1.കടലപ്പരിപ്പ് – ഒരു കപ്പ്
തുവരപ്പരിപ്പ് – അരക്കപ്പ്
2.ബേ ലീഫ് – ഒന്ന്
കറുവാപ്പട്ട – ഒരു ചെറിയ കഷണം
ഏലയ്ക്ക – ഒന്ന്
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
വെള്ളം – പാകത്തിന്
3.എണ്ണ – രണ്ടു വലിയ സ്പൂൺ
4.കായംപൊടി – ഒരു നുള്ള്
ജീരകം – ഒരു ചെറിയ സ്പൂൺ
5.ഇഞ്ചി, പൊടിയായി അരിഞ്ഞത് – ഒരു വലിയ സ്പൂൺ
വെളഉത്തുള്ളി, പൊടിയായി അരിഞ്ഞത് – ഒരു വലിയ സ്പൂൺ
പച്ചമുളക് – ഒന്ന്, പൊടിയായി അരിഞ്ഞത്
6.സവാള – ഒന്ന്, പൊടിയായി അരിഞ്ഞത്
7.തക്കാളി – ഒന്ന്, പൊടിയായി അരിഞ്ഞത്
8.മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
ഉപ്പ് – പാകത്തിന്
9.പാലക് ചീര, അരിഞ്ഞത് – രണ്ടു കപ്പ്
10.മല്ലിയില, അരിഞ്ഞത് – കാൽ കപ്പ്
11.നെയ്യ് – ഒരു വലിയ സ്പൂൺ
12.വറ്റല്മുളക് – രണ്ട്
കശ്മീരി മുളകുപൊടി – ഒരു ചെറിയ സ്പൂൺ
പാകം ചെയ്യുന്ന വിധം
∙കടലപ്പരിപ്പും തുവരപ്പരിപ്പും നന്നായി കഴുകി അരമണിക്കൂർ കുതിർക്കണം.
∙കുതിർത്ത പരിപ്പും രണ്ടാമത്തെ ചേരുവയും ചേർത്തു പ്രഷർ കുക്കറിൽ നന്നായി വേവിച്ചു മാറ്റി വയ്ക്കുക.
∙പാനിൽ എണ്ണ ചൂടാക്കി നാലാമത്തെ ചേരുവ മൂപ്പിക്കണം.
∙ഇതിലേക്കു അഞ്ചാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ സവാള ചേർത്തു വഴറ്റുക.
∙കണ്ണാടിപ്പരുവമാകുമ്പോൾ തക്കാളി ചേർത്തു വഴറ്റണം.
∙തക്കാളി വെന്തുടഞ്ഞു വരുമ്പോൾ പൊടികൾ ചേർത്തു വഴറ്റുക.
∙പച്ചമണം മാറുമ്പോൾ പാലക് ചീര അരിഞ്ഞതും ചേർത്തു വഴറ്റി വേവിച്ചു വച്ചിരിക്കുന്ന പരിപ്പും ചേർത്തിളക്കി തിളപ്പിക്കുക. ആവശ്യമെങ്കിൽ കൂടുതൽ വെള്ളം ചേർക്കാം.
∙മല്ലിയില അരിഞ്ഞതും നെയ്യു ചൂടാക്കി 12–ാമത്തെ ചേരുവ താളിച്ചതും ചേർത്തിളക്കി വിളമ്പാം.
