മിക്സഡ് വെജ് പറാത്ത
1.എണ്ണ – ഒരു വലിയ സ്പൂൺ
2.സവാള പൊടിയായി അരിഞ്ഞത് – രണ്ടു വലിയ സ്പൂൺ
ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ
വെളുത്തുള്ളി പൊടിയായി അരിഞ്ഞത് – ഒരു ചെറിയ സ്പൂൺ
പച്ചമുളക് പൊടിയായി അരിഞ്ഞത് – ഒരു ചെറിയ സ്പൂൺ
3.മുളകുപൊടി – അര ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ജീരകപ്പൊടി – കാൽ ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
ഉപ്പ് – പാകത്തിന്
4.കാരറ്റ് അരിഞ്ഞു വേവിച്ചത് – രണ്ടു വലിയ സ്പൂൺ
ബീൻസ് അരിഞ്ഞു വേവിച്ചത് – രണ്ടു വലിയ സ്പൂൺ
ഉരുളക്കിഴങ്ങ് – ഒന്ന്, വേവിച്ചുടച്ചത്
5.മല്ലിയില അരിഞ്ഞത് – ഒരു ചെറിയ സ്പൂൺ
6.വെണ്ണ – ഒരു ചെറിയ സ്പൂൺ
7.ഗോതമ്പുപൊടി – രണ്ടു കപ്പ്
പാകം ചെയ്യുന്ന വിധം
∙ഗോതമ്പുപൊടി പാകത്തിനു ചൂടുവെള്ളവും എണ്ണയും ഉപ്പും ചേർത്തു ചപ്പാത്തിക്കെന്ന പോലെ കുഴച്ചു മാറ്റി അര മണിക്കൂർ വയ്ക്കുക.
∙എണ്ണ ചൂടാക്കി രണ്ടാമത്തെ ചേരുവ വഴറ്റുക.
∙സവാള വഴന്നശേഷം മൂന്നാമത്തെ ചേരുവ ചേർത്തു മസാലമണം വരുമ്പോൾ തയാറാക്കിയ പച്ചക്കറികളും മല്ലിയിലയും ചേർത്തിളക്കി വാങ്ങുക.
∙ചപ്പാത്തി മാവ് ചെറിയ ഉരുളകളാക്കി പരത്തുക.
∙ഓരോ ചപ്പാത്തിയുടേയും മുകളിൽ ഫില്ലിങ്ങ് നിരത്തി മറ്റൊരു ചപ്പാത്തി കൊണ്ടു മൂടിയശേഷം ഒന്നുകൂടി മെല്ലേ പരത്തുക.
∙ഇതു തവയിലിട്ട് വെണ്ണ പുരട്ടി തിരിച്ചും മറിച്ചും ചുട്ടെടുക്കുക.