മിക്സഡ് വെജ്ജീസ്-ബട്ടർ സ്റ്റൈൽ
1. തക്കാളി - 50 ഗ്രാം
2. ബീൻസ് - 20 ഗ്രാം
കാബേജ് - 20 ഗ്രാം
കാപ്സിക്കം - 20 ഗ്രാം
കാരറ്റ് - 20 ഗ്രാം
സവാള - 20 ഗ്രാം
ഉരുളക്കിഴങ്ങ് - 20 ഗ്രാം
3. എണ്ണ - ഒരു ചെറിയ സ്പൂൺ
4. ജീരകം - കാൽ ചെറിയ സ്പൂൺ
വറ്റൽമുളക് - ഒന്ന്, കഷണങ്ങളാക്കിയത്
5. പനീർ - 20 ഗ്രാം
ഉപ്പ് - പാകത്തിന്
കുരുമുളകുപൊടി - ഒരു നുള്ള്
ഇഞ്ചി - ഒരു ചെറിയ കഷണം അരിഞ്ഞത്
6. വെള്ളം - രണ്ടു വലിയ സ്പൂൺ
7. വെണ്ണ - രണ്ടു ചെറിയ സ്പൂൺ
പാകം ചെയ്യുന്ന വിധം
∙ തക്കാളി ചൂടുവെള്ളത്തിലിട്ട് ഒരു മിനിറ്റിനു ശേഷം തണുത്ത വെള്ളത്തിലിട്ടു തൊലി കളഞ്ഞ് അരച്ച് അരിച്ചെടുക്കണം.
∙ രണ്ടാമത്തെ ചേരുവ കനം കുറച്ചു നീളത്തിൽ അരിയുക.
∙ പാനിൽ എണ്ണ ചൂടാക്കി, ജീരകവും വറ്റൽമുളകും ചേർത്ത് ഒരു മിനിറ്റ് വഴറ്റണം.
∙ ഇതിലേക്ക് അരിഞ്ഞു വച്ചിരിക്കുന്ന പച്ചക്കറികളും അഞ്ചാമത്തെ ചേരുവയും ചേർത്തിളക്കി വെള്ളവും ചേർത്തു ചെറുതീയിൽ അടച്ചു വച്ചു വേവിക്കുക.
∙ പച്ചക്കറികൾ മുക്കാൽ വേവാകുമ്പോൾ തക്കാളി അരച്ചതും വെണ്ണയും ചേർത്തിളക്കി വേവിച്ചു വാങ്ങുക.