പനീർ കൂൺ കറി
1.പനീർ – അരക്കപ്പ്
2.കൂൺ കഷണങ്ങളാക്കിയത് – ഒരു കപ്പ്
3.എണ്ണ – പാകത്തിന്
4.ഇഞ്ചി അരച്ചത് – ഒരു ചെറിയ സ്പൂൺ
വെളുത്തുള്ളി അരച്ചത് – ഒരു ചെറിയ സ്പൂൺ
പച്ചമുളക് അരച്ചത് – ഒരു ചെറിയ സ്പൂൺ
മസാല മുഴുവനോടെ – രണ്ടു ചെറിയ സ്പൂൺ
5.സവാള ചെറുതായി അരിഞ്ഞത് – അരക്കപ്പ്
6.ടുമാറ്റോ സോസ് – നാലു ചെറിയ സ്പൂൺ
ചില്ലി സോസ് – രണ്ടു ചെറിയ സ്പൂൺ
സോയാസോസ് – ഒരു ചെറിയ സ്പൂൺ
7.കശുവണ്ടിപ്പരിപ്പ് കുതിർത്തത് – 10
8.ഉപ്പ് – പാകത്തിന്
9.മല്ലിയില – അലങ്കരിക്കാൻ
പാകം ചെയ്യുന്ന വിധം
∙പനീർ അൽപം എണ്ണയിൽ ഇളംബ്രൗൺ നിറത്തിൽ വറുത്തുകോരി വയ്ക്കുക.
∙എണ്ണ ചൂടാക്കി നാലാമത്തെ ചേരുവ വഴറ്റിയശേഷം സവാള ചേർത്തു വഴറ്റണം.
∙ഇതിലേക്ക് കൂൺ ചേർത്തിളക്കി, ആവശ്യമെങ്കിൽ അൽപം വെള്ളവും ചേർത്തിളക്കി അടച്ചുവച്ചു വേവിക്കുക.
∙കൂൺ വെന്തശേഷം ചെറുതീയിലാക്കി ആറാമത്തെ ചേരുവയും കശുവണ്ടിപ്പരിപ്പ് കുതിർത്ത് അരച്ചതും ചേർത്തിളക്കുക.
∙പാകത്തിനുപ്പും വറുത്തു വച്ചിരിക്കുന്ന പനീറും ചേർത്തിളക്കി മല്ലിയില കൊണ്ട് അലങ്കരിച്ചു വിളമ്പുക.
