പൈനാപ്പിൾ മധുരക്കറി
1.പൈനാപ്പിൾ – രണ്ടു കപ്പ്
2.പച്ചമുളക് ചെറുതായി അരിഞ്ഞത് – ഒന്ന്
ഉപ്പ് – പാകത്തിന്
മഞ്ഞൾപ്പൊടി – അര ചെറിയ സ്പൂൺ
പഞ്ചസാര – രണ്ടു വലിയ സ്പൂൺ
3.തേങ്ങാ ചുരകിയത് – ഒരു കപ്പ്
ജീരകം – ഒരു ചെറിയ സ്പൂൺ
4.വെളിച്ചെണ്ണ – ഒരു വലിയ സ്പൂൺ
5. കടുക് – ഒരു ചെറിയ സ്പൂൺ
വറ്റൽമുളക് – രണ്ട്
കറിവേപ്പില – ഒരു തണ്ട്
തേങ്ങ ചുരണ്ടിയത് – ഒരു വലിയ സ്പൂൺ
കിസ്മിസ് – ഒരു വലിയ സ്പൂൺ
പാകം ചെയ്യുന്ന വിധം
∙പൈനാപ്പിൾ തൊലി കളഞ്ഞ് കൊത്തിയരിഞ്ഞു വയ്ക്കുക. അരിഞ്ഞതിനു ശേഷം മിക്സിയിൽ ഒന്നു കറക്കിയെടുക്കുകയുമാവാം.
∙ഇതിലേക്ക് രണ്ടാമത്തെ ചേരുവ ചേർത്തു നന്നായി വേവിക്കുക.
∙തേങ്ങയും ജീരകവും ഒന്നിച്ച് അരയ്ക്കുക. നല്ലതുപോലെ അരഞ്ഞു കിട്ടണം.
∙അരച്ച തേങ്ങാ മിശ്രിതം പൈനാപ്പിൾ മിശ്രിതത്തിൽ ചേർത്തു വേവിച്ചു വാങ്ങുക.
∙വെളിച്ചെണ്ണ ചുടാക്കി അഞ്ചാമത്തെ ചേരുവ മൂപ്പിച്ച് കറിയിൽ താളിച്ചു വിളമ്പാം.
