സോയ ചങ്സ് കറി
1.സോയ ചങ്സ് – ഒരു കപ്പ്
2.കട്ടിത്തൈര് – കാൽ കപ്പ്
മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – ഒന്നര വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
3.എണ്ണ – രണ്ടു വലിയ സ്പൂൺ
4.ജീരകം – അര ചെറിയ സ്പൂൺ
4.ഇഞ്ചി, പൊടിയായി അരിഞ്ഞത് – ഒരു ചെറിയ സ്പൂൺ
പച്ചമുളക് – രണ്ട്, പൊടിയായി അരിഞ്ഞത്
5.സവാള – ഒന്ന്, പൊടിയായി അരിഞ്ഞത്
6.തക്കാളി, അരച്ചത് – അരക്കപ്പ്
7.ഉപ്പ് – പാകത്തിന്
8.ഗരംമസാലപ്പൊടി – അര ചെറിയ സ്പൂൺ
മല്ലിയില അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙സോയ പാകത്തിനു ചൂടുവെള്ളത്തിൽ കുതിർത്തു വെള്ളം ഊറ്റി വയ്ക്കുക.
∙ഒരു ബൗളിൽ രണ്ടാമത്തെ ചേരുവ യോജിപ്പിച്ചു സോയ ചേർത്ത് അരമണിക്കൂർ വയ്ക്കണം.
∙പാനിൽ എണ്ണ ചൂടാക്കി ജീരകം വഴറ്റുക.
∙ഇതിലേക്കു നാലാമത്തെ ചേരുവ ചേർത്തു വഴറ്റണം.
∙സവാള ചേർത്തു വഴറ്റി ബ്രൗൺ നിറമാകുമ്പോൾ തക്കാളി അരച്ചതു ചേർക്കുക.
∙സോയ ചേർത്തു വഴറ്റി ഉപ്പു പാകത്തിനാക്കി മൂടിവച്ചു വേവിക്കുക.
∙മൂടി തുറന്നു കുറുകി വരുമ്പോൾ എട്ടാമത്തെ ചേരുവ ചേർത്തിളക്കി വാങ്ങാം.
