സോയ പെപ്പർ മസാല
1.സോയ ചങ്സ് – അരക്കപ്പ്
2.എണ്ണ – ഒരു ചെറിയ സ്പൂൺ
3.മല്ലി – രണ്ടു ചെറിയ സ്പൂൺ
കുരുമുളക് – ഒരു ചെറിയ സ്പൂൺ
ജീരകം – അര ചെറിയ സ്പൂൺ
പെരുംജീരകം – അര ചെറിയ സ്പൂൺ
കസ് കസ് – അര ചെറിയ സ്പൂൺ
പച്ചമുളക് – ഒന്ന്, നീളത്തിൽ അരിഞ്ഞത്
കശുവണ്ടിപ്പരിപ്പ് – നാ‌ല്
കറിവേപ്പില – ഒരു തണ്ട്
4.തേങ്ങ ചിരകിയത് – അരക്കപ്പ്
5.എണ്ണ – മൂന്നു വലിയ സ്പൂൺ
6.പെരുംജീരകം – കാൽ ചെറിയ സ്പൂൺ
7.സവാള – ഒന്ന്, പൊടിയായി അരിഞ്ഞത്
കറിവേപ്പില – ഒരു തണ്ട്
ഇഞ്ചി–വെളുത്തുള്ളി പേസ്‌റ്റ് – ഒരു ചെറിയ സ്പൂൺ
8.തക്കാളി – ഒന്ന്, അരിഞ്ഞത്
9.മഞ്ഞൾപ്പൊടി – കാൽ ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
10.മല്ലിയില അരിഞ്ഞത് – രമ്ടു വലിയ സ്പൂൺ
പാകം ചെയ്യുന്ന വിധം
∙സോയ ചങ്സ് കഴുകി അരമണിക്കൂർ കുതിർത്ത് തിളപ്പിച്ചൂറ്റി വയ്ക്കുക.
∙പാനിൽ എണ്ണ ചൂടാക്കി മൂന്നാമത്തെ ചേരുവ വഴറ്റണം.
∙പച്ചമണം മാറുമ്പോൾ തേങ്ങ ചേർത്തു വഴറ്റി തണുക്കുമ്പോൾ മയത്തിൽ അരച്ചു വയ്ക്കണം.
∙പാനിൽ എണ്ണ ചൂടാക്കി പെരുംജീരകം മൂപ്പിക്കണം.
∙ഏഴാമത്തെ ചേരുവ വഴറ്റി സവാള കണ്ണാടിപ്പരുവമാകുമ്പോൾ തക്കാളി ചേർക്കണം.
∙തക്കാളി ഉടഞ്ഞു വരുമ്പോൾ ഒൻപതാമത്തെ ചേരുവ ചേർത്തു വഴറ്റി എണ്ണ തെളിയുമ്പോൾ സോയ ചങ്സ് ചേർക്കുക.
∙അരച്ചു വച്ചിരിക്കുന്ന തേങ്ങ മിശ്രിതവും ചേർത്തിളക്കി തിളയ്്ക്കുമ്പോൾ മല്ലിയില ചേർത്തു വാങ്ങാം.
