സ്വീറ്റ്കോൺ ഫ്രിറ്റേഴ്സ്
1.മൈദ –75 ഗ്രാം
മുളകുപൊടി – അര ചെറിയ സ്പൂൺ
2.പാൽ – 150 മില്ലി
മുട്ട – ഒന്ന്, അടിച്ചത്
3.സ്വീറ്റ്കോൺ – ഒരു ടിൻ
മല്ലിയില – മൂന്നു തണ്ട്, അരിഞ്ഞത്
സ്‌പ്രിങ് അണിയൻ – രണ്ടു തണ്ട്, പൊടിയായി അരിഞ്ഞത്
ചുവന്ന കാപ്സിക്കം – ഒന്നിന്റെ പകുതി, പൊടിയായി അരിഞ്ഞത്
4.എണ്ണ – നാലു വലിയ സ്പൂൺ
പാകം ചെയ്യുന്ന വിധം
∙മൈദയും മുളകുപൊടിയും ഒരു ബൗളിലാക്കി ഇളക്കി യോജിപ്പിക്കണം.
∙മുട്ടയും പാലും ചേർത്തടിച്ച് മൈദക്കൂട്ടിൽ ചേർത്തു ദോശമാവു പോലെ കലക്കി വയ്ക്കണം.
∙ഈ മാവിലേക്ക് മൂന്നാമത്തെ ചേരുവ ചേർത്തു നന്നായി യോജിപ്പിക്കണം. നല്ലതുപോലെ കുറുകിയ മാവാകണം.
∙ഫ്രൈയിങ് പാൻ ചൂടാക്കി ഓരോ വലിയ സ്പൂൺ മാവു കോരിയൊഴിക്കണം.
∙വെന്തു തുടങ്ങുമ്പോൾ ഒരോ സ്പൂൺ എണ്ണ ചുറ്റിനും ഒഴിച്ച് മൊരിഞ്ഞു വരുമ്പോൾ മറിച്ചിട്ടു മൊരിച്ചെടുക്കണം.
