ചിക്കൻ കാഫ്രിൽ /ചിക്കൻ കാഫ്രിയാൽ
1.ചിക്കൻ – അരക്കിലോ
2.മല്ലിയില – രണ്ടു കപ്പ്
ഇഞ്ചി – ഒരു കഷണം
വെളുത്തുള്ളി – അഞ്ച്
കറുവാപ്പട്ട – ഒരിഞ്ചുനീളത്തിൽ
ഗ്രാമ്പൂ – അഞ്ച്
കുരുളമുളകുപൊടി – പാകത്തിന്
ജീരകം – ഒരു ചെറിയ സ്പൂൺ
പച്ചമുളക് – 10-12
നാരങ്ങനീര് – ഒരു പകുതിയുടേത്
വഴനയില – ഒന്ന്
3.മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
4.ഉരുളക്കിഴങ്ങ് – ഒന്ന്, വട്ടത്തിൽ അരിഞ്ഞത്
4.എണ്ണ – രണ്ടു വലിയ സ്പൂൺ
പാകം ചെയ്യുന്ന വിധം
ചിക്കൻ വൃത്തിയാക്കി വരഞ്ഞു വയ്ക്കുക.
രണ്ടാമത്തെ ചേരുവ മിക്സിയിൽ പേസ്റ്റ് രൂപത്തിൽ അരച്ചെടുക്കുക.
ഇതും മൂന്നാമത്തെ ചേരുവയും ചേർത്തു വരഞ്ഞു വച്ചിരിക്കുന്ന ചിക്കനിൽ പുരട്ടി അരമണിക്കൂർ വയ്ക്കുക.
ബാക്കി അരപ്പു മാറ്റി വയ്ക്കണം.
പാനിൽ എണ്ണ ചൂടാക്കി ഉരുളക്കിഴങ്ങ് വറുത്തു കോരി മാറ്റി വയ്ക്കുക.
അതേ എണ്ണയിൽ ചിക്കനും വറുത്ത് വയ്ക്കുക.
വറുത്ത ചിക്കനിലേക്ക് മാറ്റിവച്ചിരിക്കുന്ന അരപ്പിൽ അല്പം വെള്ളം ചേർത്തു ഒഴിക്കുക. ഇത് ചെറുതീയിൽ വച്ച് വറ്റിച്ചു വാങ്ങുക.
വറുത്ത് വച്ചിരിക്കുന്ന ഉരുളക്കിഴങ്ങിനൊപ്പം വിളമ്പാം.
