റിച്ച് ഫ്രൂട്ട് കേക്ക്
1.ഉണക്കമുന്തിരി – ഒന്നരക്കപ്പ്
ഈന്തപ്പഴം – അഞ്ച്
പ്രൂൺസ് – അഞ്ച്
ടൂട്ടി ഫ്രൂട്ടി – രണ്ടു വലിയ സ്പൂൺ
കശുവണ്ടി – മൂന്നു വലിയ സ്പൂൺ
ഉണങ്ങിയ ഏപ്രിക്കോട്ട്, ഫിഗ് – മൂന്നു വലിയ സ്പൂൺ
വെള്ളം – അരക്കപ്പ്
ഓറഞ്ച് ജ്യൂസ് – ഒരു ഓറഞ്ചിന്റെ
2.പഞ്ചസാര – കാൽക്കപ്പ്
വെള്ളം – ഒരു കപ്പിന്റെ മൂന്നിലൊന്ന്
3.ബട്ടർ – 100 ഗ്രാം
പഞ്ചസാര – അരക്കപ്പ്
വനില എസ്സൻസ് – ഒരു ചെറിയ സ്പൂൺ
4.മുട്ട – രണ്ട്
5.കറുവാപ്പട്ട പൊടിച്ചത് – ഒരു ചെറിയ സ്പൂൺ
ചുക്കുപൊടി – ഒരു ചെറിയ സ്പൂൺ
മൈദ – ഒരു കപ്പ്
ബേക്കിങ് സോഡ – ഒരു ചെറിയ സ്പൂൺ
6.മൈദ – അരക്കപ്പ്
പാകം ചെയ്യുന്ന വിധം
അവ്ൻ 1800c ൽ ചൂടാക്കിയിടുക.
ബേക്കിങ് ഡിഷിൽ ബട്ടർപേപ്പറിട്ടു തയാറാക്കി വയ്ക്കുക.
ഒരു പാനിൽ ഒന്നാമത്തെ ചേരുവ യോജിപ്പിച്ചു രണ്ടു മിനിറ്റു വേവിച്ചു തണുക്കാനായി മാറ്റി വയ്ക്കുക.
മറ്റൊരു പാനിൽ കാൽക്കപ്പ് പഞ്ചസാര എടുത്ത് കാരമലൈസ് ചെയ്യുക. ഇതിലേക്കു ഒരു കപ്പിന്റെ മൂന്നിലൊന്ന് വെള്ളവും ചേർത്തു പേസ്റ്റ് രൂപത്തിലാക്കുക.
ഒരു ബൗളിൽ മൂന്നാമത്തെ ചേരുവ ചേർത്തു നന്നായി അടിച്ചു മയപ്പെടുത്തുക. ഇതിലേക്കു മുട്ട ചേർത്ത് അടിച്ച ശേഷം കാരമൽ ചേർത്തു യോജിപ്പിക്കുക.
അഞ്ചാമത്തെ ചേരുവ നന്നായി യോജിപ്പിച്ച് തയാറാക്കി വച്ചിരിക്കുന്ന മുട്ട മിശ്രിതത്തിൽ ചേർത്തു മെല്ലേ യോജിപ്പിക്കുക.
അരക്കപ്പ് മൈദ ചൂടാറാൻ വച്ചിരിക്കുന്ന ഡ്രൈഫ്രൂട്ട് മിശ്രിതത്തിൽ ചേർത്തു യോജിപ്പിച്ചു കേക്ക് മിശ്രിതത്തിൻ ചേർത്തു മെല്ലേ യോജിപ്പിക്കുക.
ഈ മാവ്, തയാറാക്കിയ ബേക്കിങ് ട്രെയിൽ ഒഴിച്ചു ചൂടാക്കിയിട്ടിരിക്കുന്ന അവ്നിൽ വച്ച് 40–50മിനിറ്റ് ബേക്ക് ചെയ്യുക.
