ആണുങ്ങൾ ചെയ്യുന്നത് പെണ്ണുങ്ങള്‍ ചെയ്താലോ? എങ്കിൽ ഇങ്ങനെയാകും ആ കാലം

ആണുങ്ങൾ അടക്കി വാഴുന്ന ലോകം ഒന്നു തലതിരിഞ്ഞാലോ? ഇപ്പോഴുള്ള ആൺകോയ്മ പെൺകോയ്മയ്ക്കു വഴി മാറിയാലോ? ആണുങ്ങൾ കുത്തകയാക്കി വച്ചിരിക്കുന്ന പലതും പെണ്ണിന്റേതായാലോ? അടക്കവും ഒതുക്കവും ആണിന് പതിച്ചു നൽകിയാലോ? എന്തിനേറെ പറയുന്നു, പീഡനം പോലും പെണ്ണ് ‘ഏറ്റെടുത്താലോ’? ‘69 –ഒരു തലതിരിഞ്ഞ കഥ’യിലൂടെ ഫിറോസ് എ. അസീസ് പറയുന്നത് ആ തലതിരിഞ്ഞ കാലത്തെക്കുറിച്ചാണ്. ചിരിക്കൊപ്പം ചിന്തയും ചേരുന്ന ഈ ഹൃസ്വ ചിത്രം പുരുഷൻമാരെ ഇരുത്തി ചിന്തിപ്പിക്കുന്നതാണ്. സിനിമാ – സീരിയൽ രംഗത്തെ പ്രമുഖ താരങ്ങൾ അണിനിരക്കുന്ന ചിത്രം കാലഘട്ടത്തെ തന്നെയാണ് പ്രതിനിധീകരിക്കുന്നത്.