‘എന്റെ എല്ലാ ജീവിതത്തിലും എപ്പോഴും എന്റെ അമ്മയായിരിക്കണേ...’: ഹൃദയം തൊടും കുറിപ്പുമായി ശ്രീലീല Sreelaila's Heartfelt Birthday Message for Her Mother

അമ്മയ്ക്ക് പിറന്നാൾ ആശംസകൾ നേർന്ന ഹൃദയസ്പര്‍ശിയായ കുറിപ്പ് പങ്കുവെച്ച് തെന്നിന്ത്യയുടെ പ്രിയതാരം ശ്രീലീല.

‘ജന്മദിനാശംസകള്‍ അമ്മ. എപ്പോഴും വിനോദം, വൈകാരിക പിന്തുണ. നമ്മള്‍ ദൈനംദിന ജീവിതത്തിലൂടെ കന്നുപോകുമ്പോള്‍ നിസ്വാര്‍ത്ഥ സ്‌നേഹം യഥാര്‍ഥത്തില്‍ എങ്ങനെയായിരിക്കുമെന്ന് ഞാന്‍ കാണുന്നു. നമ്മള്‍ പങ്കിടുന്ന നിമിഷങ്ങൾ എനിക്ക് വളരെ ഇഷ്ടമാണ്. ധൈര്യമായിരിക്കാന്‍ നിങ്ങള്‍ എന്നെ പഠിപ്പിക്കുന്നു, ഒരു ചെറിയ വിവേകത്തോടെ കൊടുങ്കാറ്റിനെ എങ്ങനെ കൈകാര്യം ചെയ്യണമെന്ന് പഠിപ്പിക്കുന്നു. എന്റെ എല്ലാ ജീവിതത്തിലും നിങ്ങള്‍ എപ്പോഴും എന്റെ അമ്മയായിരിക്കട്ടെ. എന്നെ സൃഷ്ടിച്ചതിനു നന്ദി’ എന്നാണ് താരം കുറിച്ചിരിക്കുന്നത്. അമ്മയ്‌ക്കൊപ്പമുളള മനോഹരമായ ചിത്രങ്ങളും ശ്രീലീല പങ്കുവച്ചു.

നിരവധിയാളുകളാണ് ശ്രീലീലയുടെ പോസ്റ്റിനു താഴെ അമ്മയ്ക്ക് പിറന്നാള്‍ ആശംസകള്‍ അറിയിച്ചെത്തുന്നത്.

ഇപ്പോൾ തെലുങ്ക്, കന്നഡ, തമിഴ് സിനിമകളിലെ വിലയേറിയ താരമാണ് ശ്രീലീല.