അച്ഛന്റെ പൊന്നോമനകൾ...സ്നേഹത്തിന്റെ ഉമ്മകൾ...അജിത്തിന്റെ ‘ഡാഡി ടൈം’ ചിത്രങ്ങൾ പങ്കുവച്ച് ശാലിനി Thala Ajith's Adorable Family Moments Go Viral

തെന്നിന്ത്യൻ സൂപ്പർതാരം അജിത് കുമാറിന്റെ മക്കൾക്കൊപ്പമുള്ള ഏറ്റവും പുതിയ ചിത്രങ്ങൾ സോഷ്യൽ മീഡിയയിൽ വൈറൽ. മക്കൾക്കൊപ്പം സ്നേഹനിമിഷങ്ങൾ പങ്കുവയ്ക്കുന്ന അജിത്തിന്റെ ചിത്രങ്ങൾ താരത്തിന്റെ ഭാര്യയും നടിയുമായ ശാലിനിയാണ് ഇൻസ്റ്റഗ്രാമിൽ പോസ്റ്റ് ചെയ്തത്.

മക്കളായ അനൗഷ്കയ്ക്കും ആദ്വിക്കിനും അജിത് ഉമ്മ നൽകുന്നതും, മക്കൾ തിരിച്ച് അച്ഛനെ സ്നേഹത്തോടെ ചുംബിക്കുന്നതുമായ ചിത്രങ്ങൾ ‘ഡാഡി ടൈം’ എന്ന കുറിപ്പോടെയാണ് ശാലിനി പങ്കുവച്ചത്.

അച്ഛന്റെയും മക്കളുടെയും ഈ ക്യൂട്ട് ചിത്രങ്ങൾ ആരാധകർ ഏറ്റെടുത്തു. തെന്നിന്ത്യയുടെ പ്രിയതാരദമ്പതികളാണ് അജിത് കുമാറും ശാലിനിയും. വിവാഹശേഷം സിനിമയിൽ നിന്നു വിട്ടുനിൽക്കുന്ന ശാലിനി സമീപകാലത്തായി സോഷ്യൽ മീഡിയയിൽ സജീവമാണ്. നേരത്തെ കുടുംബത്തോടൊപ്പമുള്ള ഫ്രാൻസ് യാത്രയുടെ ചിത്രങ്ങളും ശാലിനി പങ്കുവെച്ചിരുന്നു. 2000 ഏപ്രിൽ 24-നായിരുന്നു അജിത്തിന്റെയും ശാലിനിയുടെയും പ്രണയവിവാഹം...