‘സഹൃദകൃതാവായ നാട്ടുകാരെ, കലാപരിപാടികൾ തുടങ്ങാൻ ആരംഭിക്കുകയാണ്‌ട്ടോ...കൂയ്...’: അനിയന്റെ വിവാഹനിശ്ചയം ആഘോഷമാക്കി മീനാക്ഷി രവീന്ദ്രൻ Meenakshi Raveendran's Brother's Engagement

നടിയും അവതാരകയുമായ മീനാക്ഷി രവീന്ദ്രന്റെ സഹോദരൻ ബാലു രവീന്ദ്രൻ വിവാഹിതനാകുന്നു. പാർവതി കൃഷ്ണയാണ് വധു. സോഷ്യൽ മീഡിയയിൽ ഏറെ സജീവമാണ് പാർവതി. വിവാഹനിശ്ചയത്തിന്റെ വിശേഷങ്ങൾ മീനാക്ഷി സോഷ്യൽ മീഡിയയിൽ പങ്കുവച്ചു.

ഒരു ട്രോൾ വിഡിയോയുടെ രൂപത്തിലാണ് മീനാക്ഷി ഈ സന്തോഷവാർത്ത പങ്കുവെച്ചത്. ‘സഹൃദകൃതാവായ നാട്ടുകാരെ, കലാപരിപാടികൾ തുടങ്ങാൻ ആരംഭിക്കുകയാണ്‌ട്ടോ...കൂയ്...’ എന്ന പ്രശസ്തമായ സിനിമാ ഡയലോഗും പശ്ചാത്തല സംഗീതവും ചേർത്താണ് വിഡിയോ എഡിറ്റ് ചെയ്തിരിക്കുന്നത്.

ചുരുങ്ങിയ സമയത്തിനിടെ ഈ വിഡിയോ സോഷ്യൽ മീഡിയയിൽ വൈറലായി. വലിയ ആർഭാടങ്ങളൊന്നുമില്ലാതെ വീട്ടിൽ വെച്ച് നടന്ന ലളിതമായ ചടങ്ങുകളിലായിരുന്നു വിവാഹനിശ്ചയം.

പാർവതിയും കുടുംബവും വിവാഹനിശ്ചയ വേദിയിലേക്ക് എത്തുന്നതും മീനാക്ഷി അവരെ സ്വീകരിക്കുന്നതുമെല്ലാം വിഡിയോയിൽ കാണാം. സുഹൃത്തുക്കളും സിനിമ-സീരിയൽ രംഗത്തെ പ്രമുഖ താരങ്ങളും ഉൾപ്പെടെ നിരവധിയാളുകളാണ് ബാലുവിനും പാർവതിക്കും ആശംസകളുമായി എത്തുന്നത്.