അമ്മ താരാ കല്യാണിന്റെ 25 വര്ഷം പഴക്കമുളള സാരിയണിഞ്ഞുള്ള തന്റെ മനോഹരചിത്രങ്ങളുമായി നര്ത്തകിയും സോഷ്യല് മീഡിയ താരവുമായ സൗഭാഗ്യ വെങ്കിടേഷ്. കുഞ്ഞായിരുന്നപ്പോള് ഈ സാരിയുടുത്ത് നിന്നിരുന്ന അമ്മയെ അത്ഭുതത്തോടെ നോക്കിനിന്നിരുന്ന ദിവസങ്ങള് ഇന്നും തന്റെ ഓര്മ്മയിലുണ്ടെന്ന് സൗഭാഗ്യ.
‘ഈ സാരിക്ക് 25 വര്ഷത്തെ പഴക്കമുണ്ട്, ഇത് എന്റെ അമ്മയുടേതാണ്. ചെറുപ്പത്തില് അമ്മ ഇത് ഉടുത്തുനില്ക്കുന്നത് നോക്കിനിന്നത് എനിക്ക് ഇപ്പോഴും ഓര്മ്മയുണ്ട്. എനിക്ക് അമ്മയില് നിന്ന് കണ്ണെടുക്കാന് കഴിഞ്ഞിരുന്നില്ല. അന്ന് എന്നെ സംബന്ധിച്ച് ലോകത്തിലെ ഏറ്റവും മനോഹരമായ സ്ത്രീ അമ്മയായിരുന്നു. ഇന്നും അങ്ങനെ തന്നെയാണ്. ഇന്ന്, അതേ സാരി തന്നെ അണിയാനുള്ള ഭാഗ്യം എനിക്ക് ലഭിച്ചിരിക്കുകയാണ്, ഇതൊരു പ്രത്യേക അനുഭൂതിയാണ്. ഒരുപക്ഷേ അമ്മയുടെ ആ സൗന്ദര്യത്തിന്റെയും ഗാംഭീര്യത്തിന്റെയും ഒരു ചെറിയ അംശമെങ്കിലും എനിക്ക് പകര്ന്നു കിട്ടിയിട്ടുണ്ടാകാം...എങ്കിലും, അമ്മയെ അത്ഭുതത്തോടെ നോക്കിനിന്നിരുന്ന ആ പഴയ കൊച്ചുകുട്ടി തന്നെയാണ് ഞാന് ഇപ്പോഴും. ചില സാരികള് വെറും നൂലുകള് മാത്രമല്ല പേറുന്നത്, അവയില് ഓര്മ്മകളും സ്നേഹവും നമുക്ക് മുന്പ് അത് അണിഞ്ഞവരുടെ ഒരു സ്പര്ശവും ഒളിഞ്ഞിരിപ്പുണ്ടാകും’.– ചിത്രങ്ങൾക്കൊപ്പം സൗഭാഗ്യ കുറിച്ചു.
നടന് അര്ജുന് സോമശേഖരനാണ് സൗഭാഗ്യയുടെ ഭര്ത്താവ്. ഇരുവര്ക്കും ഒരു മകളാണ്.