‘എന്നും എന്റെ ഹൃദയത്തിന്റെ ഉടമ’: വിവാഹ വാർഷിക ദിനത്തിൽ പ്രിയപ്പെട്ടവൾക്കൊപ്പമുള്ള ചിത്രം പങ്കുവച്ച് സുരേഷ് ഗോപി Suresh Gopi and Radhika's 36th Wedding Anniversary Celebration

കഴിഞ്ഞ ദിവസമായിരുന്നു മലയാളത്തിന്റെ പ്രിയതാരം സുരേഷ് ഗോപിയുടെയും ഭാര്യ രാധികയുടെയും 36 ആം വിവാഹ വാർഷികം. വിവാഹ വാർഷിക ദിനത്തിൽ പ്രിയപ്പെട്ടവൾക്കൊപ്പമുള്ള മനോഹരമായ ചിത്രം പങ്കുവച്ച്, ‘എന്നും...എന്റെ ഹൃദയത്തിന്റെ ഉടമയ്ക്ക്’ എന്നാണ് സുരേഷ് ഗോപി സോഷ്യൽ മീഡിയയിൽ കുറിച്ചത്. താരത്തിന്റെ പോസ്റ്റ് ഇതിനോടകം വൈറലാണ്.

1990 ഫെബ്രുവരി എട്ടിനായിരുന്നു ഇവരുടെ വിവാഹം. ഗോകുല്‍ സുരേഷ്, ഭാഗ്യ സുരേഷ്, ഭാവ്‍നി സുരേഷ്, മാധവ് സുരേഷ് എന്നിവർ മക്കളാണ്. ആരാധകരും സഹപ്രവർത്തകരുമടക്കം നിരവധിയാളുകളാണ് പ്രിയതാരദമ്പതികൾക്ക് ആശംസകളുമായി എത്തുന്നത്.