‘എന്റെ അത്രതന്നെ പഴക്കമുള്ള അമ്മയുടെ സാരി’! മനോഹരമായ ചിത്രങ്ങൾ പങ്കുവച്ച് സംവൃത സുനിൽ Samvritha Sunil Dazzles in Mother's Traditional Saree

തന്റെ മനോഹരമായ സാരി ചിത്രങ്ങൾ പങ്കുവച്ച് മലയാളികളുടെ പ്രിയനടി സംവൃത സുനിൽ. തന്റെ അമ്മയുടെ കൈവശമുണ്ടായിരുന്ന ഒരു സാരിയാണ് താരം അണിഞ്ഞിരിക്കുന്നത്.

‘എന്റെ അത്രതന്നെ പഴക്കമുള്ള അമ്മയുടെ സാരിയിൽ!’ എന്നാണ് ചിത്രങ്ങളോടൊപ്പമുള്ള കുറിപ്പ്.

നിലവിൽ അഭിനയത്തിന്റെ തിരക്കുകളിൽ നിന്നെല്ലാം മാറി കുടുംബജീവിതത്തിന്റെ തിരക്കുകളിലാണ് സംവൃത. അപ്പോഴും സോഷ്യൽ മീഡിയയിൽ സജീവമാണ്. ഭർത്താവ് അഖിൽ രാജിനും മക്കളായ അഗസ്ത്യയ്ക്കും രുദ്രയ്ക്കുമൊപ്പം അമേരിക്കയിലാണ് താരം ഇപ്പോൾ താമസം.

2004ൽ ലാൽ ജോസ് സംവിധാനം ചെയ്ത ‘രസികൻ’ എന്ന ദിലീപ് ചിത്രത്തിലൂടെയായിരുന്നു സംവൃത സുനിലിന്റെ സിനിമാ അരങ്ങേറ്റം. വിവാഹശേഷമുള്ള നീണ്ട ഇടവേളയ്ക്ക് ശേഷം, 2019 ൽ ബിജു മേനോൻ നായകനായ ‘സത്യം പറഞ്ഞാ വിശ്വസിക്കുവോ’ എന്ന ചിത്രത്തിലൂടെ സംവൃത അഭിനയരംഗത്തേക്ക് തിരിച്ചെത്തിയിരുന്നു...