Wednesday 30 September 2020 11:36 AM IST : By സ്വന്തം ലേഖകൻ

‘ആ ദിവസം എനിക്ക് തോന്നിയ ആവേശത്തെ മറികടക്കാൻ മറ്റൊന്നിനും കഴിയുമെന്ന് കരുതുന്നില്ല’! ഹൻസികയ്ക്ക് പിറന്നാൾ ആശംസകൾ നേർന്ന് അഹാന

hansika

ഇളയ അനിയത്തി ഹൻസികയ്ക്ക് പിറന്നാൾ ആശംസകൾ നേർന്ന് നടി അഹാന കൃഷ്ണ. ഇന്ന് ഹൻസികയുടെ 15-ാം ജന്മദിനമാണ്.

‘എന്റെ ജീവിതത്തിന്റെ ഏറ്റവും പ്രിയപ്പെട്ട ആൾക്ക് ഇന്ന് 15 വയസ്സ് തികയുന്നു. നീ ജനിക്കുന്നതിനും മാസങ്ങൾക്കു മുൻപ് തന്നെ, എല്ലാ രാത്രിയും ഞാൻ നിന്നോട് ഗുഡ്നൈറ്റ് പറയുമായിരുന്നു. നീ ജനിച്ച ദിവസം എന്റെ ജീവിതത്തിലെ ഏറ്റവും സന്തോഷകരമായ ദിവസമാണ്. മാത്രമല്ല, ആ ദിവസം എനിക്ക് തോന്നിയ ആവേശത്തെ മറികടക്കാൻ മറ്റൊന്നിനും കഴിയുമെന്ന് കരുതുന്നില്ല’.– ഹൻസുവിനൊപ്പമുള്ള പല കാലഘട്ടങ്ങളിലെ ചിത്രങ്ങൾ പോസ്റ്റ് ചെയ്ത് അഹാന ഇൻസ്റ്റഗ്രാമിൽ കുറിച്ചു.

ആരാധകരും സുഹൃത്തുക്കളുമടക്കം നിരവധി പേരാണ് ഹൻസികയ്ക്ക് പിറന്നാൾ ആശംസകൾ നേരുന്നത്.