‘മഹത്വം പ്രശസ്തിയില്‍ മാത്രമല്ല, അത് എളിമയിലും ദയയിലും കൂടിയാണ്’: അജിത്തിനൊപ്പമുളള ചിത്രം പങ്കുവച്ച് രമേശ് പിഷാരടി

തമിഴ് സൂപ്പര്‍ താരം അജിത്തിനൊപ്പമുളള ചിത്രം പങ്കുവച്ച് മലയാളികളുടെ പ്രിയപ്പെട്ട നടന്‍ രമേശ് പിഷാരടി. ‘തലച്ചിത്രം’ എന്നാണ് ചിത്രം പങ്കുവച്ച് താരം കുറിച്ചത്.

‘ജീവിതത്തില്‍ കാലാതീതമായി തോന്നുന്ന ചില നിമിഷങ്ങളുണ്ട്. തല അജിത് സാറിനൊപ്പം ഒരു മനോഹരമായ സായാഹ്നം ഉണ്ടായിരുന്നു. സ്‌ക്രീനില്‍ ഒരു ഇതിഹാസം, യഥാര്‍ത്ഥ ജീവിതത്തില്‍ ഒരു മാന്യന്‍. അദ്ദേഹത്തോടൊപ്പം നില്‍ക്കുമ്പോള്‍ ഒരു കാര്യം മനസ്സിലാകും. മഹത്വം പ്രശസ്തിയില്‍ മാത്രമല്ല, അത് എളിമയിലും, ദയയിലും, ഒരാള്‍ സ്വയം എങ്ങനെ കൊണ്ടുപോകുന്നു എന്നതിലും ആണെന്ന് നിങ്ങള്‍ മനസ്സിലാക്കുന്നു. ഞാന്‍ എപ്പോഴും സൂക്ഷിക്കുന്ന ഒരു ഓര്‍മ്മ’.– എന്നാണ് അജിത്തിനെ കണ്ട സന്തോഷം കുറിപ്പിലൂടെ രമേശ് പിഷാരടി പങ്കുവച്ചത്.