‘ദൈവം സത്യം, അദ്ദേഹം കഴിച്ചിട്ടില്ല’! ധർമജൻ എത്തിയത് മദ്യപിച്ചെന്ന് പരിഹാസം...പ്രതികരിച്ച് ബിബിൻ ജോർജ് Bibin George Defends Dharmajan Bolgatty Amidst Social Media Attacks

നടൻ ധർമജൻ ബോൾഗാട്ടിക്കെതിരെയുള്ള സോഷ്യൽ മീഡിയ അധിക്ഷേപത്തിൽ പ്രതികരണവുമായി നടനും തിരക്കഥാകൃത്തും സംവിധായകനുമായ ബിബിന്‍ ജോര്‍ജ്.

നടനും തിരക്കഥാകൃത്തുമായ ബിബിന്‍ ജോര്‍ജിന്റെ പുതിയ റസ്റ്ററന്‍റിന്റെ ഉദ്ഘാടനത്തിനെത്തിയ ധര്‍മജന്റെ ശരീരഭാഷയും പെരുമാറ്റവും കണ്ട് നടൻ മദ്യപിച്ചാകും എത്തിയതെന്ന തരത്തിൽ സമൂഹമാധ്യമങ്ങളിൽ ചർച്ചകൾ സജീവമായിരുന്നു. വിഡിയോയില്‍ ധര്‍മജന് ബാലന്‍സ് നഷ്ടമാകുന്നതും ബിബിന്‍ ജോര്‍ജ് പിടിക്കുന്നതും കാണാം. ധര്‍മജന്റെ ഷര്‍ട്ടിന്റെ ബട്ടന്‍സ് ഇട്ടത് നേരയല്ലെന്നും ചിലർ കണ്ടെത്തി.

വിമര്‍ശനങ്ങളും ട്രോളുകളും അതിരുകടന്നതോടെയാണ് ബിബിന്‍ പ്രതികരണവുമായി രംഗത്തെത്തിയത്. ധര്‍ജമനെ ട്രോളുന്നൊരു വിഡിയോയുടെ കമന്റില്‍, ‘നിങ്ങളുടെ വര്‍ക്കിനെ ബഹുമാനിക്കുന്നു. പക്ഷെ ദൈവം സത്യം. അദ്ദേഹം കഴിച്ചിട്ടില്ല. ദൈവം നിങ്ങളെ അനുഗ്രഹിക്കട്ടെ’ എന്നാണ് ബിബിന്റെ പ്രതികരണം.

അതേസമയം, ധർമജനെ പിന്തുണച്ചും നിരവധി പേരാണ് രംഗത്തെത്തുന്നത്.