‘എന്റെ കൺമണി മുത്തം...’: മകള്‍ക്കൊപ്പമുള്ള ക്യൂട്ട് മൊമന്റിന്റെ വിഡിയോ പങ്കുവച്ച് ദുർഗ കൃഷ്ണ Durgakrishna's Adorable Moment with Daughter Goes Viral

മകള്‍ക്കൊപ്പമുള്ള ക്യൂട്ട് മൊമന്റിന്റെ വിഡിയോ പങ്കുവച്ച് നടി ദുർഗ കൃഷ്ണ. ഉറങ്ങിക്കിടക്കുന്ന മകളെ നോക്കിയിരിക്കുകയാണ് ദുർഗ. ഒരമ്മയുടെ സന്തോഷമാണ് ഈ വിഡിയോയില്‍ കാണുന്നത്. ‘ഇപ്പോഴാണ് ഞാൻ തിരിച്ചറിഞ്ഞത്....മറ്റെവിടെയും ഞാൻ മാറ്റിസ്ഥാപിക്കപ്പെടാം, എന്നാൽ ഇവിടെ പറ്റില്ല എന്ന്...’ എന്നാണ് വിഡിയോയിലെ കുറിപ്പ്. ‘എന്റെ കൺമണി മുത്തം...’ എന്ന കുറിപ്പിനൊപ്പമാണ് ദുര്‍ഗ ഈ വിഡിയോ പങ്കിട്ടിരിക്കുന്നത്. പ്രകൃതി ദുർഗ അർജുൻ എന്നാണ് ദുര്‍ഗയുടെ മകളുടെ പേര്.

മികച്ച കഥാപാത്രങ്ങളിലൂടെ മലയാളികളുടെ മനസില്‍ ഇടം നേടിയ ദുര്‍ഗ കൃഷ്ണ അഭിനയത്തിന് പുറമെ ഡാൻസിലും കഴിവ് തെളിയിച്ചിട്ടുള്ള താരമാണ്. നിര്‍മാതാവും ബിസിനസുകാരനുമായ അർജുനാണ് ദുർ‌ഗയുടെ ജീവിതപങ്കാളി.